گاڤ تایبەت – ژیوار عەبدولجەبار

پشتی پتر ژ سێ مەهـ و نیڤان ل سەر هەلبژارتنێن پەرلەمانێ کوردستانێ دەربازبووین، تا نوکە نە حکومەت هاتییە پێکئینان و نەژی دەستەیا سەرۆکاتییا پەرلەمانی هاتییە هەلبژارتن، گاڤ د دویڤچوونەکا تایبەت دا دویماهی زانیاری ل سەر وان بابەتان ب دەست خستینە.

گاڤ ژ ژێدەرەکێ تایبەت زانییە: پارتی و ئێکەتی گەلەک نێزیکی رێککەفتنا دویماهییێ بووینە و ل دەستپێکا هەیڤا ئادارێ، رێککەفتنا دویماهییێ دێ هێتە راگەهاندن و دەستەیا سەرۆکاتییا پەرلەمانی دێ هێتە هەلبژارتن.

ل گۆرەی دویڤچوونا گاڤ، پارتی و ئێکەتی وەسا رێککەفتینە کو پۆستێ سەرۆکێ هەرێما کوردستانێ و سەرۆکێ حکومەتا هەرێما کوردستانێ، پشکا پارتی بن و ئێکەتی سەرۆکاتییا پەرلەمانێ کوردستانێ وەربگریت و پشتی هەلبژارتنا دەستەیا سەرۆکاتییا پەرلەمانی، دێ رێکارێن پێکئینانا حکومەتێ هێنە کرن و گاڤ ژ ژێدەرەکێ تایبەت زانییە کو بەری جەژنا نەورۆزێ دێ کابینەیا دەهێ یا حکومەتا هەرێما کوردستانێ دەستبکاربیت.

لایەنێن سیاسی بۆ دەستەیا سەرۆکاتییا پەرلەمانی کو ژ سەرۆکێ پەرلەمانی، جێگرێ سەرۆکێ پەرلەمانی، و سکرتێرێ پەرلەمانی پێک دهێت، بەربژار دیارکرینە و بەربژارێن وان ئەڤێن ل خوارێنە:

بەربژارێن سەرۆکاتییا پەرلەمانی

• هەلگور نەجیب عوسمان
• د. ڤالا فەرید ئیبراهیم
• شالاو کوسرەت رەسوول عەلی
• د. میران محەمەد عەباس
• کوردەوان جەمال محەمەد

بەربژارێن جێگرێ سەرۆکێ پەرلەمانی

• بەهجەت عەلی ئیبراهیم
• مەرد عەلی رەسوول
• ئازاد محەمەد ئەمین حەسەن
• ئومێد عەلی حەمە سالح
• عەدنان حسێن حەسەن

بەربژارێن سکرتێرییا پەرلەمانی

• د. هاڤین سەعید خزر
• شرین یوونس عەبدوللا
• شلێر غەفوور سالح
• سەوسەن کاکە مەم محەمەد
• رامی نووری عۆدیش
• نەجدەت نووری محەمەد