گاڤ

وەزارەتا دارایی یا ئیراقێ ب نڤیسارەکێ داخوازا بجهئینانا سێ خالێن دی ژ هەرێما کوردستانێ کر و هەرسێ گرێدایی هنارتنا مووچەیانن.

تەیف سامی، وەزیرا دارایی یا ئیراقێ ب نڤیسارەکێ سێ داخوازی ژ حکومەتا هەرێما کوردستانێ کرینە کو ئەڤێن ل خوارێنە:

1. پێدانا نڤیسارا پارەدارکرنێ یا مووچەیێ فەرمانبەرێن هەرێما کوردستانێ یێ هەیڤا 1 یا سالا 2025ێ
2. تەمامکرنا هنارتنا داتایێن تایبەت ب بجهئینانا تەوتینا فەرمانبەرێن هەرێما کوردستانێ ل گۆرەی وێ میکانیزما ژ ئالییێ دادگەها بلند یا فیدرال ڤە هاتییە دیارکرن
3. هنارتنا داهاتێن نەنەفتی یێن هەیڤا 1 یا سالا 2025ێ بۆ سەر وێ هەژمارا بەنکی یا وان ل بەنکا ناڤەندییا ئیراقێ ب ژمارەیا (70018) ڤەکری.

تەف سامییێ ئەو نڤیسار بۆ نوینەراتییا حکومەتا هەرێما کوردستانێ هنارتییە کو کارێ وێ خەملاندنا مووچەی، خانەنشینی، چاڤدێرییا جڤاکی و گرێبەستێن هەرێما کوردستانێ بۆ سالا 2025ێ یە.