بۆچى سه‌رۆك نێچیرڤان بارزانى دێ پشكدارى كۆنفرانسێ میونشن بیت؟
بەلاڤ بکە
رزگار حه‌سه‌ن سه‌عدی، مامۆستایێ زانكۆیێ
پشكدارییا سەرۆک نێچیرڤان بارزانی د کۆنفرانسێ میونشن یێ ئاساییشێ د ڤی دەمێ نوکە دا کو جڤین دێ بنە بەحسکرنا کێشەیێن ئاساییشا جیهانێ، دەلیڤەیەکا گەلەک باش و گرنگە کو سەرۆك نێچرڤان بارزانی رۆلێ وی د ئاشتی و سەقامگیریا هەرێما کوردستانێ دا دێ ل وێرێ ئامادەبیت ئەڤ کۆمبوونا نێڤدەولەتی ب حزوورا جەنابێ سەرۆکی دێ بیتە دەلیڤەیەک بۆ ئاساییش و سەقامگیرییا باش بۆ دەڤەرێن کوردستانێ.
کۆنفرانسێ ئاساییشێ - میونشن (Munich Security Conference - MSC) ئێکە ژ گرنگترین کۆنفرانسێن نێڤدەولەتی یێن ئاساییش و دیپلۆماسی، هەر سال ل باژێرێ میونشن ل ئەلمانیا دهێتەکرن، نوینەرێن وەلات، حکومەت، نەتەوەیێن ئێکگرتى و ھەرێمێن نەتەوەیی، کۆم دبن بۆ به‌حسكرنا بابه‌تێن ئاساییشا نێڤدەولەتی.
ئەڤ کۆنفرانسە هەر سال ل هەیڤا شواتێ دهێتەسازکرن و نوینەر ل ولاتێن جیهانی، سەرکردەیێن سیاسی، کارگێڕێن دیپلۆماسی، کارێزمایێن هزرى پشكدار دبن، ژ ئالیێ نێڤده‌وله‌تى گرنگییه‌كا تایبه‌ت ب ڤى كۆنفرانسى هاتییه دان.
ئەڤسالە ل (2025)، کۆنفرانسێ میونشن ل 14 تا 16ی شواتێ دهێتەسازکرن و سەرۆک نێچیرڤان بارزانی، سەرۆکێ هەرێما کوردستانێ ب نوینەراتییا مللەتێ کورد دێ پشكدارى كۆنفرانسى بیت.
کۆنفرانسێ ئاساییشا میونشن و هەرێما کوردستانێ پەیوەندییەکا گرنگ هەیە، ب تایبەتی لدۆر ئاساییشا ده‌ڤه‌رێ
هەرێما کوردستانێ ل ڤان سالێن دوماهییێ پشكدارییه‌كا تایبەت د کۆنفرانسى دا هەبوو، د پێنگاڤه‌كا تایبه‌ت دا بۆ پاراستنا ئاساییش و شه‌قامگیریا هه‌رێما كوردستانێ.
رۆلێ هەرێما کوردستانێ ل کۆنفرانسێ میونشن
1. شەڕێ دژی تیرۆری – هەرێما کوردستانێ ل شەڕێ دژی داعشێ دا رۆله‌كێ گرنگ هەبوو، ژبه‌ر وان ده‌ستكه‌فتان هه‌مى كۆنفرانسێن میونشن پشكداره.
2. پەیوەندیێن نێڤدەولەتی – پشكدارییا نێچیرڤان بارزانى سه‌رۆكێ هەرێما کوردستانێ ل کۆنفرانسێ میونشن رێکێ ددەت بۆ خۆشكرنا په‌یوه‌ندییێن جیهانى.
3. ره‌وشا ده‌ڤه‌رێ – هەرێما کوردستانێ وەلاتەکێ سەرەکییە د ناڤبەرا ئێراق، تورکیا، ئێران و سووریا دا و نوکە كه‌سایه‌تییا سه‌رۆك نێچیرۆڤان بارزانى ب كارێزما و دیپلۆماسى و په‌یوه‌ندییێن خۆ چاره‌یا كێشه‌یێن ده‌ڤه‌رێ دكه‌ت.
4. چاره‌كرنا كێشه‌یێت ئابۆرى و ئاواره‌یان – رۆلێ هه‌رێما كوردستانێ د چاره‌كرنا كێشه‌یێن ئاواره‌یان و رووبرووبوونا ئابۆرى و نه‌فتێ دا.
پشكدارییا سه‌رۆك نێچیرڤان بارزانی لە ساڵی 2025 د كۆنفرانسێ میۆنشن دا ژبه‌ر ڤان خالێن سه‌ره‌كییه:
• ره‌وشا سیاسى و ئاساییشا ئیراقێ و ده‌ڤه‌رێ
• په‌یوه‌ندییێن هه‌رێما كوردستانێ و نێڤده‌وله‌تى
• کاریگەرییا شەڕێ گەلێ ئێراق و کوردستانێ ل سەر ده‌ڤه‌رێ.
• پێشخستنا دیپلۆماسی و گرنگىدانا وه‌لاتێن جیهانێ ب هه‌رێما كوردستانێ.
ل دوماهییێ:
پشكدارییا هەرێما کوردستانێ د کۆنفرانسێ ئاساییشا میونشن دا ب تایبەتی ژ ئالیێ کارێزمایا سەرۆک 'نێچیرڤان بارزانی' ڤە، رێكه‌كا گرنگە بۆ بلندكرنا دەنگێ کوردستانێ ل سەروەرییا ئاساییشا ده‌ڤه‌رێ و چێکرنا پەیوەندییان ل سه‌ر ئاستێ بلند و نێڤده‌وله‌تى بۆ هه‌رێما كوردستانێ.
