گاڤ

سەرۆکوەزیرێن ئیراقێ بەرەف کۆمارا چیکێ ب رێکەفتییە و بریارە سەرەدانا ئەلمانیا و ژاپۆن ژى بکەت، مژارێن گرنگ ل گەل خۆ برینە ژ وان ژى بازرگانى و ئێمناهى.

ل گۆڕەیى نڤیسارەکا فەرمى یا نڤیسینگەها سەرۆکوەزیرێن ئیراقێ ئەڤرۆ پێنجشەمبێ 13-2-2025ێ محەمەد شیاع سوودانى، سەرۆکوەزیرێن ئیراقێ بەرەف پراگا پایتەختێ کۆمارا چیکی ب رێ کەفت و دهێتە چاڤەڕێکرن ل گەل سەرۆکوەزیرێن چیکێ پەیوەندیێن دو قۆلى و هەڤپشک بەحس بکەن.

هەروەسا ل گۆڕەیى نڤیسینگەهێ سەرۆکوەزیر دێ سەرا هەر ئێک ژ ژاپۆن و ئەلمانیا ژى دەت و دێ پەیوەندیێن ئابۆرى و ژێرخانا ئابۆرى و ئاڤاهییان ل گەل مەزنە بەرپرسێن وان بەحس کەت.