گاڤ

بریارە ئەڤرۆ حەماس سێ ئێخسیرێن دی یێن ئسرائیلی ئازاد بکەت و ئەمریکا و ئسرائیل بەردەوامییێ ددەنە گەفێن خۆ.

بریارە ئەڤرۆ رۆژا شەمبی 15-2-2025ێ تەڤگەرا حەماس سێ ئێخسیرێن دی یێن ئسرائیلی ب ناڤێن ساگۆی دێکل چێنی، ساشا ترۆڤانۆڤ، و ئیایر هۆرنی ئازاد بکەت.

ل گۆرەی دەنگێ ئەمریکا، ئێخسیرێ ئێکێ 36 سالی یە و ژبلی رەگەزنامەیا ئسرائیلی، رەگەزنامەیا ئەمریکی هەیە، یێ دویێ 29 سالی یە و رەگەزنامەیا رۆسی ژی هەیە و یێ سێیێ 46 سالی یە و رەگەزنامەیا ئەرجەنتینی ژی هەیە.

هەڤدەمی بەردەوامییا ئازادکرنا ئێخسیران ژ ئالییێ حەماسێ ڤە، ئەمریکا و ئسرائیل دبێژن: گەر ئێخسیر نەهێنە ئازادکرن، ئسرائیل ب پشتەڤانییا بهێز یا ئەمریکا دێ شەڕی ل دژی حەماسێ دەستپێکەتە ڤە.