گاڤ

جێگرێ سەرۆکێ پەرلەمانێ ئیراقێ راگەهاند؛ سەرۆکوەزیرێ ئیراقێ شیرەتکارەکێ خۆ راسپارد و دێ کێشەیا جۆتیارێن کورد ل سنۆرێ کەرکووکێ چارەکەت.

ژمارەکا جوتیارین کورد ل دەڤەرا سەرگەران یا گرێدایی پارێزگەها کەرکووکێ ئەڤرۆ بۆ کێلانێ چووینە ناڤا زەڤیێن خۆ، سوپایێ ئیراقێ رێگری لێکر و هێرشی وان کر و د ڤیان دەست ب سەر ترەکترێن وان دا بگرن ئالۆزی دناڤبەرا وان و جۆتیاران دا دروست بوون.

شاخەۆان عەبدولا جێگرێ سەرۆکێ پەرلەمانێ ئیراقێ راگەهاند؛ دەربارەی ئالۆزیێن سنۆرێ سەرگەران و رێگریێن سوپایێ ئیراقێ ل جۆتیارێن کورد، ئەوی ل گەل محەمەد شیاع سوودانی سەرۆکوەزیرێ ئیراقێ ئاخفت، بەحس ل روودانان کر وی داخواز ژێ کر دویماهیی ب ڤان کێشەیان بینیت و سوودانی شیرەتکارەکێ سەربازی راسپارد و دێ کێشەیا جۆتیارێن کورد چارەکەت.

د دەما بوری دا پەرلەمانێ ئیراقێ یاسایا ڤەگەراندنا مۆلک و زەڤیان بۆ خودانێن وان یێن رەسەن پەسەندکر یێن کو ژ بەر بریارێن حزبا بەعس هەلوەشاندین، ل گۆرەی زانیارییان بریار هاتیە پەسەندکرن لێ ل رۆژنامەیا وەقائع نەهاتییە بەلاڤکرن و بریارە ل 10 رۆژێن دی بهێتە بەلاڤکرن.