گاڤ

پارێزگارێ کەرکووکێ راگەهاند: سەرۆکوەزیرێ ئیراقێ بریار دایە لژنەیەکێ بۆ هەلسەنگاندنا رەوشا جۆتیارێن دەڤەرا سەرگەران بهنێریت و ئەو سەربازێن هێرشی جۆتیارێن کورد کرین هاتینە گرتن.

رێبوار تەها، پارێزگارێ کەرکووکێ د روونکرنەکێ دا دەربارەی پرسا ئەڤرۆ یا جۆتیارێن کورد ل دەڤەرا سەرگەران ل سنۆرێ کەرکووکێ راگەهاند: کێشەیا زەڤیێن جۆتیاران کێشەیەکا کویر و درێژە و نڤیسارەکا فەرمی بۆ ئۆفیسا سەررۆکوەزیرێ ئیراقێ هاتیە هنارتن بۆ چارەکرنا وێ.

پارێزگارێ کەرکووکێ دا زانین: محەمەد شیاع سوودانی، بریار دایە لژنەیەکێ بۆ هەلسەنگاندنا رەوشێ بهنێریت دەڤەرێ و گۆت: لژنەیەکا لێکۆلینێ هاتیە پێکئینان و داخوازا ڤەکێشانا سەربازان ل وێ دەڤەرێ هاتییە کرن

رێبوار تەها گۆتییە ژی: پەرلەمانێ ئیراقێ دەنگ لسەر هەلوەشاندنا بریارەکا بەعسییان دایە و چاڤەرێی رێنمایێن حکومەتا ناڤەندینە بۆ ب جهئینانێ و داخوازاێ ژ جۆتیاران دکەین د هێمن، ئارام و خوراگر بن و پشتراست دکەین دێ کار لسەر چارەکرنا کێشان هێتە کرن ب رێیا سازیێن یاسایی و فەرمی.

ل گۆرەی رونکرنا پارێزگارێ کەرکووکێ، سوبەهی سوبەهی دێ کۆمبوونەکا تایبەت ل دیوانا پاریزگەهێ ل گەل لژنەیا هنارتی ژبۆ بەحسکرنا وێ پرسێ هێتە سازکرن.