ئه‌ڤرۆ شاندێ ئیمرالیێ دێ دگه‌ل بافل تاله‌بانى كۆم بیت
بەلاڤ بکە
گاڤ
پشتى ب دویماهیهاتنا، كۆمبوونێن شاندێ ئیمرالیێ ل هه‌ولێرێ، ئه‌ڤرۆ شاندێ ناڤهاتى ل سلێمانیێ دێ به‌رده‌وامیێ ده‌ته دیدارێن خۆ.
شاندێ ئیمرالیێ پێكهاتینه ژ په‌روین بۆلدان، په‌ڕله‌مانتارا ده‌م پارتى ل بازنه‌یا وانێ، په‌ڕله‌مانتار، سڕى سوره‌یا ئونده‌ر ل بازنه‌یا سته‌نبۆلێ، كه‌سكین بایندر، ئۆزگویر ئه‌رۆل و ئیبراهیم بیلمه‌ز ل نڤیسینگه‌ها یاسایی، په‌یڤدارێ كومسیۆنا په‌یوه‌ندیێن ده‌رڤه یا ده‌م پارتى، به‌ردان ئۆزتورك، په‌ڕله‌مانتاران، گولچان كاچماز و مه‌همه‌ت كاماچ.
شاندێ ئیمرالیێ ئه‌ڤرۆ، ل ده‌باشان دێ دگه‌ل بافل جه‌لال تاله‌بانى، سه‌رۆكێ ئێكه‌تیا نیشتیمانیا كوردستانێ كۆم بیت و په‌یاما ئۆجالانى گه‌هینتێ.
رۆژا 15ى شوباتا 2025ێ شاندێ ئیمرالیێ گه‌هشته هه‌رێما كوردستانێ و دگه‌ل سه‌رۆك مه‌سعوود بارزانى كۆمبوو په‌یاما رێبه‌رێ زیندانكریێ پارتا كاركه‌رێن كوردستانێ په‌كه‌كێ گه‌هاندێ هه‌ر ل هه‌ولێرێ دگه‌ل سه‌رۆكێ هه‌رێما كوردستانێ نێچیرڤان بارزانى ژى كۆمبوو.
هه‌ر د چارچووڤه‌یێ سه‌ره‌دانا خۆ دا بۆ سلێمانیی، شاندێ ئیمرالیێ دێ دگه‌ل جێگرێ سه‌رۆكێ حكومه‌تێ قوباد تاله‌بانى كۆمبیت.
