گاڤ

پێلەکا بەفرێ چەندین دەڤەرێن تورکیا ڤەگرتینە، کو ئێک ژ وان ستەنبۆلە و بەفر بوویە ئەگەر ب سەدان گەشتێن ئاسمانی بهێنە پاشخستن.

وەزارەتا ڤەگوهاستنێ یا تورکیا راگەهاند: پێلەکا دژوار یا بەفرێ ستەنبۆل ڤەگرتییە، لەورا ژ ئەڤرۆ رۆژا چارشەمبی 19 شواتێ تا دوسبە رۆژا ئەینی 21 شواتێ ب سەدان گەشتێن ئاسمانی ل فرۆکخانەیێن ستەنبۆلا نوی و سەبیحە هاتینە پاشخستن.

ل گۆرەی ژێدەری، فرۆکخانەیا ستەنبۆلێ ئەڤرۆ دێ ٪15 یا گەشتێن خۆ کێم کەت کو 150 گەشت دێ هێنە پاشخستن و ل رۆژا ئەینییێ ئەو رێژە دێ بۆ ٪20 هێتە کێمکرن کو 200 گەشت دێ هێنە پاشخستن.

ل فرۆکخانەیا سەبیحە گوکجەن ژی ئەڤرۆ دێ ب رێژەیا ٪10 یا گەشتان هێنە پاشخستن و ل رۆژا ئەینییێ ژی گەشتێن وێ فرۆکخانەیێ دێ ب رێژەیا ٪15 هێنە کێمکرن.

ل گۆرەی مەدیایێن تورکی، هەر ژ ئەڤرۆ تا دوسبە، پلەیێن گەرمێ ل ستەنبۆلێ دێ ل رەخودۆرێن سفر پلەیێن سیلیزی بن و دێ نێزیکی 10 سەنتیمەترێن بەفرێ بارن.