ئەپیکۆر: ئامادەینە پەترۆلا هەرێمێ رەوانەیى تورکیا بکەین
بەلاڤ بکە
گاڤ
کۆمەلەیا پیشەسازى یا پەترۆلا کوردستانێ ئەپیکۆر رادگەهینیت، ئەو ئامادەنە پەترۆلا هەرێمێ رەوانەیى تورکیا بکەن و مەرج هەنە.
کۆمەلەیا پیشەسازى یا پەترۆلا کوردستانێ (ئەپیکۆر) کو ئەندامێن وان کۆمپانیێن نێڤدەولەتى نە یێن وەبەرهێنانێ د وارێ پەترۆلا هەرێما کوردستانێ دا دکەن دیاردکەت، ئەو ئامادەنە بۆ دەستپێکرنا هنارتنا پەترۆلا هەرێما کوردستانێ ب رێکا بۆڕیا ئیراق – تورکیا و دیارکر، رێککەفتنەک کو مەرجێن ئابۆرى و بازرگانى و گرێبەستێن کۆمپانیێن ئەندام ل بەرچاڤ وەرگریت بهێتە کرن.
هەروەسا ئاشکراکریە، رێککەفتن شەفاف بیت و گرەنتییا پارەدانێ هەبیت و بێى دەستوەردانێن سیاسى بیت و نوکە ئەو ل رێککەفتنەکا ب ڤى ئاوایى د گەڕن.
دوهى وەزارەتا پەترۆلا ئیراقێ راگەهاند، رێکارێن هنارتنا پەترۆلا هەرێما کوردستانێ ب رێکا بەندەرێ جەیهان تەمام بووینە و داخواز ژ دەستهەلاتدارێن هەرێمێ کر وى بەرهەمێ زەڤیێن کارا بدەنە کۆمپانیێن پەترۆلێ.
