وەلاتێن جیهانێ چاوا بەحسا پەیاما عەبدوللا ئۆجالانی کریە؟
بەلاڤ بکە
گاڤ
شاندا ئیمرالیێ دوهی ئێڤاری بانگەوازا عەبدوللا ئۆجەلانی یا ئاشتییێ بۆ پەکەکێ بۆ رایا گشتی راگەهاند، بانگەوازێ ژمارەکا کارڤەدانێن ناڤخۆ و ژ دەرڤە ل دووڤ خۆ ئینان.
دەربارەی بانگەوازا ئۆجالانی وەزارەتا دەرڤەی یا بریتانیا راگەهاند: ئەم پێشوازیێ ل پرۆسەیا پێشڤەچوونا ئاشتیێ ل تورکیا دکەین، ئەم هەمی لایەکی هان ددەین د ڤێ پرۆسەیا ئاشتیێ و ئاڤەکەر دا پشکدار بن.
ژ ئالیێ خۆ ڤە کۆچکا سپی یا ئەمریکا پەیاما ئۆجالان یا دەربارەیی چەکدانانا پەکەکێ ب پیشهاتەکا گرنگ دزانین، و دیار کر: پەیاما ئۆجالانی دێ بیتە هاریکار بۆ ئارامییا ڤێ دەڤەرا پری کێشە و ئالۆزی.
هەڤدەم وەزارەتا دەرڤە یا ئیراقێ ژی دا زانین : ئەڤ گاڤە بۆ خۆرتکرنا ئاسایشێ نە ب تنێ ل ئیراقێ کو چەکدارێن پەکەکێ لێ هەنە بەلکو بۆ دەڤەرێ هەمیێ یا گرنگە، پشتەڤانین بۆ هەر گاڤەکێ بۆ چارەسەرکرنا کێشەیان ب دیالۆگ.
ژ ئالیێ خۆ ڤە ژی ئەنتونیۆ گوتیرێس سکرتێرێ گشتی یێ نەتەوەیێن ئێکگرتی گۆت: پەیاما ئۆجالانی هیڤییەکە و دێ بیتە ئەگەرێ چارەسەرکرنا کێشە و ئالۆزیێن دەڤەرێ و پێشهاتەکە گرنگە د ڤی دەمێ پری ئالۆزی دا.
وەزارەتا دەرڤە یا ئەلمانیا ژی پشتی پەیامێ ئاماژە کر: دویماهی ئینان ب توندوتیژیێ گاڤەکا گرنگە، لێ دڤێت مافێن کلتوری و دیمۆکراتی یێن کوردان د تورکیا دا بهێنە پاراستن. یا ژمە بهێت دێ پشتەڤانیا سەرئێخستنا ڤێ پرۆسەیێ کەین.
