گاڤ-  تایبه‌ت - دێژین شكرى

ئێك ژ ئاریشێن بۆ مرۆڤێ رۆژیگر دروست دبن بێهنا نەخۆشا دەڤى یە ، کو گه‌له‌ك جاران دبیتە ئەگەر مرۆڤ خۆ دویر بکەت ژ کەسێن رۆژیگر ژبەر بێهنا دەڤی .

ئەگەرێن بێهنا نەخوشا دەڤی د مەها رەمەزانا پیروزدا چنە ؟

ئاریشێن دەڤ و ددانا گەوریێ : وەکی پیتە پێنەدان ب پاقژیا دەڤ و ددانان و هەودانێن پیدێن ددانان و به‌لاعیمان، کرمیبوونا ددانان و مانا خوارنێ دناڤبەرا ددانان را ، دیسان کولکێن دەڤی و ئەزمانی ژى هنده‌ك ئه‌گه‌رێن دى نه‌ كو بێهنا نه‌خۆش ژ ده‌ڤێ مرۆڤى بهێت.

هشکبوونا لەشی ئانکو ( جفاف ) ژ ئەگەرێ کێمبوونا رێژا شلەمەنیێن لەشی ، ئەڤەژی رویدەت ژ کێم خوارن و ڤەخوارنێ د مەها رەمەزانێ دا  و د ئەنجامدا دەرکەفتنا بەکتریایێن نەهەوائی، ئەڤ بەکتریایە ئەکتیڤ دبن ل دەمێ رۆژیێ ژ ئەگەرێ کێم دەرکەفتنا شلاتیێن بن ئەزمانی و نە ڤوخوارنا تشتێن روهن .

ژ بۆ کێمکرنا ئارێشا بێهنا دەڤی :

ب بەردەوامی ب شەڤ ئاڤێ زێده‌ ڤه‌خۆ و دناڤبەرا فتارە و پاشیڤێ دا  ژى دا بله‌ رێژه‌ زێده‌تر بیت.

خوارنا خارنێن رۆهن ل دەمێ فتارێ، داکو شلاتییا ل بن ئەزمانی کێم نەبت .

خوارنێن سڤك ل دەمێ پاشیڤێ بخۆ

خوارنا رێژه‌یه‌کا زێده‌ ژ فێقی و کەسکاتیێ ژبەرکو ئەو زڤڕینا خوینێ چالاك دکەت .

باش پاقژكرنان ددانان ب رێکا بکارئیانا فرچە و مەعجینێن ددانان، ب کێمیڤە روژێ ٢ جاران ب تایبەتی پشتی خوارنا پاشیڤێ و فتارێ .

هەروەسا پاقژکرنا ناڤبەرا ددانان ب رێکا داڤا ئارمیشی داکو خارن نەمینیتە ناڤبەرا ددانا دا ، چونکو مانا خوارنێ بیتە ئەگەرێ دەرکەفتنا بەکتیریایان .

پاقژرکان ئەزمانی ب رێکا کارئینانا رەندێ تایبەت یێ ئەزمانی چونکو ئەزمان بەرپرسە ژ 80 بۆ 90%ێ یا بێهنێن نەخۆشێن دەڤی .

بکارئینانا غەرغەرێن دەڤی.

سەرەدانا نۆشدارێ دەڤ و ددانان بکە بۆ چارەسەریا ئاریشه‌یێن کرمیبونا ددانان و هەودانێن پدیێن ددانان.