گاڤ

سەرۆک نێچیرڤان بارزانی، سەرۆکێ هەرێما کوردستانێ و مستەفا کازمی، سەرۆکوەزیرێ بەرێ یێ ئیراقێ کۆمبوون.

ل گۆرەی مالپەرێ سەرۆکاتییا هەرێمێ، سەرۆک نێچیرڤان بارزانی د دیدارێ دا ل گەل مستەفا کازمی، داوی پێشهاتێن سیاسی، رەوشا ئیراقێ ب گشتی و هەرێما کوردستانێ و دەڤەرێ گۆتوبێژ کرن.

سەرۆکایەتییا هەرێمێ دیارکرییە؛ هەردو لا دوپاتی ل سەر گرنگییا بهێزکرنا هەماهەنگی و هاریکارییا د ناڤبەرا هێز و ئالیێن سیاسی و پێکهاتەیێن ئیراقێ کر بۆ روویبروویبوونا ئاستەنگان و پاراستنا ئارامی و سەقامگرییا وەلاتی و دویرئێخستنا وی ژ ئالۆزیێن دەڤەرێ.

دا زانین ژی: کو د تەوەرەکێ دی یێ کۆمبوونێ دا دەربارەی گۆتوبێژێن هەولێر – بەغدا بۆ چارەکرنا کێشان د ناڤبەرا خۆ دا هزر و بیر ل هەڤگۆهارتن، دەربارەی وێ یەکێ هەڤرابوون ل سەر هەماهەنگییا پتر یا هەرێم و بەغدایێ بۆ چارەسەرکرنا کێشەیان.