گاڤ

ئه‌ڤرۆ جڤاتا وه‌زیرێن هه‌رێما كوردستانێ دێ كۆمبیت و دێ چه‌ندین مژاران به‌حس كه‌ت گرنگترینا وان ژى هنارتنا په‌ترۆلا هه‌رێما كوردستانێ یه‌.

فه‌رمانگه‌ها میدیا و زانیارى یا حكومه‌تا هه‌رێما كوردستانێ رادگه‌هینیت، د كۆمبوونا ئه‌ڤرۆ یا جڤاتا وه‌زیران دا دێ هه‌ر ئێك ژ ته‌وه‌رێن ئه‌نجامێن كۆمبوونا هه‌ڤپشك یا وه‌زاره‌تێن سامانێن سروشتى یا حكومه‌تا هه‌رێما كوردستانێ و په‌ترۆلا ئیراقێ به‌حس كه‌ت.

هه‌روه‌سا دیاركریه‌،  دیاركرنا رۆژێن بێهنڤه‌دانا فه‌رمى ل گۆڕه‌یى رۆژژمێرییا حكومه‌تا هه‌رێمێ ژى ته‌وه‌رێ دووێ یێ كۆمبوونێ یه‌ و د ته‌وه‌رێ سێ یێ دا دێ راپۆرتا سندۆقنا پشته‌ڤانییا پڕۆژه‌یێن بچویك یێن لاوان هێته‌ خواندن.

فه‌رمانگه‌ها میدیا و زانیارى یا حكومه‌تا هه‌رێمێ ئاشكراكریه‌ ژى، لێخۆشبوون ژ پێشینه‌یا هه‌ڤژینییا وان خودان پێدڤیێن تایبه‌ت یێن به‌رى سالا 2013ێ پێشینه‌ وه‌رگرتییه‌ دێ هێته‌ به‌حسكرن.