گاڤ

لیژنەیا دارشتنا دەستوورێ سووریێ رەشنووسێ دەستووری رادەستی ئەحمەد شەرعی کر و دبێژیت؛ناڤێ دەولەتێ هەر کۆمارا عەرەبی یا سووری یە و سووریا دێ پابەندی رێککەفتننامەیێن ناڤدەولەتی بیت.

پشتی 10 رۆژان ژ دەستبکاربوونێ، لیژنەیا نڤیسینا دەستوورێ دەمکی یێ سووریێ دویماهی ب کارێن خۆ ئینا و دەستوورێ دەمکی نڤیسی کو ل ژ 48 ماددەیان پێکهاتییە، ل دویڤ دەستووری ژی پێدڤییە سەرۆککۆمارێ سووریێ موسلمان بیت.

لیژنەیا دارشتنا دەستوورێ سووریێ رەشنڤیسا دەستووری رادەستی ئەحمەد شەرع، سەرۆککۆمارێ سووریێ بۆ قووناغا ئینتیقالی کر و و کۆنگرەیەکێ رۆژنامەڤانی دا راگەهاند: دەمێ قووناغا ئینتیقالی 5 سالن و سەرۆککۆمار دشێت بارێ نەئاسایی رابگەهینیت و پەرلەمان دشێت سەرۆککۆماری لابدەت.

هەروەسا دیار ژی کر؛ مافێ پشکدارییا سیاسی بۆ هەمی سووریان هاتییە گەرەنتیکرن.

هەروەسا دیار ژی کر: دەستهەلات ب تەمامی ژ ئێک هاتینە جوداکرن و فقهێ ئیسلامی وەک ژێدەرێ سەرەکی یێ یاسایێ هاتیە دەستنیشانکرن.

هەروەسا ئەو ژی دیار کژ: دێ رێز ل تایبەتمەندیێن کولتووری هێتە گرتن و پرسا لادان و لێپرسینا سەرۆکی بابەتێ جڤاتا گەلی یە.

پاشی ئەحمەد شەرعی دەستوورێ دەمکی یێ سووریێ ئیمزا کر.