گاڤ

بۆ ئێکەم جار پشتی کۆمبوونا کۆچکا سپی، سەرۆکێن ئەمریکا و ئۆکراینا ب تێلەفۆنێ ئاخفتن و بەحس ل شەرێ ئۆکراینا و رۆسیا و ئاگربەستێ کر.

کۆچکا سپی راگەهاند: ئەڤرۆ دۆنالد ترامپ، ل گەل هەڤکیڤێ خۆ یێ ئۆکراینی ڤۆلۆدیمیر زیلینسکی، ب تێلەفۆنێ ئاخفتن و بەحس ل وان پرسان کر ئەوێن شڤێدی ترامپ و پۆتینی دەرباری راوەستاندنا شەرێ ئۆکراینا گۆتوبێژ ل سەر کرین، تایبەت رێککەفتنا دەرباری راگرتنا هێرشان ل سەر ناڤەندا وزەیا ئۆکرانیا بۆ دەما 30 رۆژان کری.

دۆنالد ترامپ راگەهاند: پەیوەندیەکا تێلەفۆنی یا گەلەک باش ئەوی ل گەل سەرۆکێ ئۆکراینا کر نێزیکی دەمژمێرەکێ ڤەکێشا پترییا گۆتۆبێژان لسەر وێ پەیوەندییا تێلەفۆنی بوون یا دوهی د ناڤبەرا وی و فلادیمێر پۆتینی سەرۆکێ رۆسیا دا هاتییە کرن.

ترەمپی دا زانین ژی: بزاڤێن وان ژبۆ  گەهشتن ب ئاگربەستێ ل ئۆکراینا دێ بەردەوام بن سەرباری وێ یەکێ کو تا نوکە ل گەل سەرۆکێ رۆسیا نەگەهشتیمە رێککەفتنا دویماهیێ.