ئەنەکەسە: بلا نەورۆز ببیتە پالدەرەک بۆ ئێکخستنا هەلویستێ کوردان ل سووریێ
بەلاڤ بکە
گاڤ
ئەنەکەسێ ب هەلکەفتا جەژنا نەورۆزێ پەیامەک بەلاڤکر راگەهاند؛ بلا نەورۆز ببیتە پالدەر و پشتەڤانەک بۆ ئێکخستنا هەلویستێ کوردان ل سووریێ ژ پێخەمەت نەهێلانا نەهامەتیێن گەلێ کورد.
جڤاتا نشتیمانی یا کورد ل سووریێ ئەنەکەسێ د پەیاما خۆ دا نڤێسییە: بلا جەژنا نەورۆزا ئەڤ سالە ببیتە دەستپێکەکا نووی بۆ سووریایەکا دیمۆکراسی و ئازاد کو تێدا پیرۆزییا وەلاتییان یێ پاراستی بیت.
د پەیاما ئەنەکەسێ دا هاتییە کو نەورۆزا ئەڤ سالە ل دەمەکێ دا یە قەیران ل جیهانێ د زێدەبوونێ دانە و ناکۆکی ل هەمی جهان کویتر دبن و گرنگییا نێڤدەولەتی بۆ رەوشا سووریێ کێم دبیت.
ئەنەکەسە دوپاتییێ ل چارەکرنا کێشان ب رێیا دیالۆگێ دکەت ب جورەکێ دەستهەلاتەکا دیمۆکراسییا ناڤەندی ل سووریێ هەبیت و کار بکەت ژبۆ کو مافێن نەتەوەیی یێن گەلێ کورد و پێکهاتەیێن دی ل دەستوورێ سووریێ دا جهێ وان بکەت.
د پشکەکا دی یا پەیاما خۆ دا ئەنەکەسە داخوازێ ژ جڤاکا نێڤدەولەتی دکەت هاریکار بیت ژ بۆ راگرتنا توندوتیژییان و سەرخستنا بزاڤێن نڤێسینا دەستوورەکێ نووی کو تێدا مافێن گەلێ کورد د پاراستی بن.
