جه‌هه‌په دێ ئیمام ئۆغلۆى بۆ سه‌رۆكاتیا تركیا به‌ربژار كه‌ت
بەلاڤ بکە
گاڤ
"داخوازا خۆنیشادانێن سه‌رانسه‌رى دكه‌ین"
پارتا گه‌ل یا كۆمارى جه‌هه‌په دێ سه‌رۆكێ باژێرڤانیا سته‌نبۆلێ ئەكرەم ئیمام ئۆغلوى كو به‌رى دو رۆژان ژلایێ ده‌ستهه‌لاتێڤه هاتیه ده‌سته‌سه‌ركرن، وه‌كو به‌ربژار بۆ پۆستێ سه‌رۆكاتیا تركیا ل همبه‌ر سه‌رۆك كۆمارێ نها ره‌جه‌ب ته‌یب ئه‌ردۆغانى به‌ربژار كه‌ت.
ل رۆژا چارشه‌مبا بۆرى، ئه‌كره‌م ئیمام ئوغلۆ دگه‌ل 100 به‌رپرسێن دى یێن جه‌هه‌پێ هاتنه ده‌سته‌سه‌ركرن، گرتنا ئیمام ئوغلۆى كارڤه‌دانێن ناڤخۆ و ده‌رڤه یێن به‌رفه‌رهـ ب دویڤ خۆ دا ئینان و خۆنیشاندانێن مه‌زن ل تركیا لسه‌ر گرتنا وى دهێنه كرن. ئه‌ڤرۆژ ى سه‌رۆكێ جه‌هه‌پێ ئوزگویر ئۆزه‌ل خواست خونیشاندانێن سه‌رانسه‌رى بهێنه كرن.
ل گۆره‌ى زانیاریێن میدیایێن تركیا به‌لاڤكرین، بڕیاره دوسبه، رۆژا ئێكشه‌مبى جه‌هه‌په ب فه‌رمى ئیمام ئوغلۆى بۆ پۆستێ سه‌رۆكاتیا تركیا به‌ربژار بكه‌ت و ل رۆژا 6ى هه‌یڤا بهێت ژى ئه‌و حزب كۆنگره‌یێ خۆ یێ ئاسایی گرێده‌ت.
