گاڤ

چار مارکێتێن مەزن یێن دهۆکێ ژبەر فرۆشتنا قیمەیی ژ ئالیێ لژنەیا دویڤچوونا بازاری یا قایمقامییێ هاتنە سزادان.

پێشتر لژنەیا دویڤچوونا بازاری یا قایمقامییێ ل قەزایا دهۆکێ راگەهاندبوو کو قەدەغەیە قیمەیێ حازر ل گوشتفرۆشی و مارکێتان ب وەلاتییان بهێتە فرۆتن و دڤێت قیمە ل پێش چاڤێن بکران بهێتە دروستکرن و فرۆتن.

لژنەیا دویڤچوونا بازاری یا قایمقامیێ راگەهاند؛ وان مارکێتان پێگری ب رێنمایێن ڤێتێرنەرییێ نەکربوو و گوشتێ قیمە پێشوەخت دروستکربوو و دهاتە فرۆشتن.

هەروەسا راگەهاند؛ ل گۆرەی رێنمایێن وان، پێدڤیە هەمی جهـ قیمەیی ل پێش چاڤێن بکری دروست بکەن و ب فرۆشن.