گاڤ

پشتی کارگێریێن هەردو یانەیان بەری دیدارا گەرا 25ێ ژ خۆلا ستێۆێن ئیراقێ کۆمبووین بەحس ل سەر هژمارەکا خالان هاتە کرن: 

1.  كارگێری و پشته‌ڤانێن راسته‌قینه‌ و دلسوزێن هه‌ردو یانه‌یێن دهۆک و زاخۆ گه‌له‌گ ژ وێ یه‌كێ مه‌زنترن كو چه‌ند كه‌سه‌كێن نه‌ به‌رپرس بشێن كارتێكرنێ ‌لێ بکەن و براینییا وان ب هه‌لوه‌شینن و یا ئه‌م دزانین كه‌س نه‌شێت ڤێ چه‌ندێ بکەت و په‌یوه‌ندییێن برایانە یێن هه‌ردو باژێران تێکبدت.
2.  ئەگەر دهۆك و زاخۆ د وه‌رزشێ دا هه‌ڤرك بن، دڤێت ژبیر نەکەین پترییا وان كه‌سوكار و نێزیكى ئێكن و خال و خارزا و خزمێن هه‌ڤدونه‌، و چ هێز نه‌شێن ڤێ په‌یوه‌ندییا مۆكم بشكێنیت خۆ ئەگەر كی بیت و ئه‌م ناهێلین هه‌ڤركی سنورێن خو ببەزینیت.
3.  مه‌ به‌ری نوكه‌ ژی گوتییه‌ ئه‌نجامێ یاریێ دبیت ڤێ گه‌رێ ژ خۆلا ستێرێن عیراقێ یا گرنگ بیت لێ پاراستنا گیانێ پشته‌ڤانێن هه‌ردو تیمان ژ هه‌می تشتان گرنگتر و پیرۆزتره‌ و نامه‌یا مه‌ ئه‌ڤه‌یه‌ كو وه‌رزش مه‌ دگه‌هینتە‌ ئێك نه‌كو ژێكڤه‌ دكت.
4.  هه‌ردو یانه‌یێن به‌هدینان نها رێزێن پێشییێ یێن خۆلێ گرتینه‌ و پترییا ئیراقێ و وه‌لاتێن ئاسیایی بمه‌ و پشته‌ڤانێن مه‌ دبێژن له‌ورا لسه‌ر مه‌ هه‌مییان پێدڤی یه‌ ئه‌ڤ مه‌زنی و جوانییا جه‌ماوه‌رێ مه‌ ب پارێزن.
5‌  یێ ب سه‌ركه‌ڤیت دێ پیروزباهییێ لێكەین بلا بزانین ئه‌م نها نه‌ بتنێ نوونه‌راتییا به‌هدینان دكەین به‌لكو ئه‌م هه‌ردو یانه‌ نووینه‌رێن كوردستانێ نه‌ و چه‌وا مه‌ دڤێت كوردستان یا بهێز بیت دڤێت ئه‌م هه‌ردو ژی ب هێز بین و برایێن راسته‌قینه‌ بین.
6.  ژبه‌ركو یارییا دهۆك و زاخۆ دێ ل پترییا كه‌نالێن كوردستانێ و ئیراقێ و عه‌ربی و ئاسیایی هێتە‌ ڤه‌گۆهاستن دڤێت ئه‌م ل جهێ به‌رپرسیارتییێ بین و روویێ جوان یێ هه‌ردو باژێرێن زاخۆ و دهۆک و كوردستانێ نیشان بدە‌ین.
7.  یاریا زاخۆ و دهوک و ئەوا دێ ل یاریگەها دهۆک ل ئێک شەمبیا بهێت هێتە ئەنجامدان، دێ ل سەر وێ رێککەفتنا پێشوەخت بیت یا د ناڤبەرا هەردو یانەیان دا هاتییە کرن کو پشتەڤانێن تیما مێهڤان ئامادە نابن.