ئیران: مە بەرسڤا نامەیا ترەمپی دا
بەلاڤ بکە
گاڤ
وەزیرێ دەرڤە یێ ئیرانێ راگەهاند: بەرسڤا نامەیا ترەمپی هاتە دان و ئەوان ب رێیا عومانێ بەرسڤ هنارت.
دۆنالد ترەمپ، سەرۆکێ ئەمریکا بەری چەند رۆژان نامەیەک بۆ عەلی خامنەیی، رێبەرێ بلندێ کۆمارا ئیسلامییا ئیرانێ هنارتبوو و تێدا داخوازا دانوستاندانان کربوو دەربارەی بەرنامەیێ ئەتۆمی یێ ئیرانێ و ئەو نامە ل 12ی ڤێ مەهێ ب رێیا ئیماراتێ گەهشتبوو بەرپرسێن ئیرانێ.
عەباس عێراقجی، وەزیرێ دەرڤە یێ ئیرانێ ئەڤرۆ راگەهاند: بەرسڤا فەرمی یا ئیرانێ بۆ نامەیا سەرۆکێ ئەمریکا ب رەنگەهێ گۆنجایی هاتە دان و دوهی رۆژا چارشەمبی 26ی مەها ئادارێ ب رێیا وەلاتێ عومانێ نامە هاتە هنارتن.
عێراقجی د بێژیت: دناڤا وێ نامەیا فەرمی دا وان بووچوونێن خۆ دەربارەی رەوشا نوکە و نامەیا ترەمپی ب رەنگەکێ باش بۆ ئالییێ بەرانبەر روهنکریە.
وەزیرێ دەرڤە یێ ئیرانێ دبێژیت: سیاسەتا وان مینا سیاسەتا بەرێ یە ئەو ژی نەکرنا دانوستاندان دبن فشارێن زێدە و گەفێن سەربازی دا، لێ دانوستاندانێن نەراستەوخۆ وەکی بەری نوکە د کابینەیا حەسەن رووحانی و ئیبراهیم رەئیسی هەبووینە و دێ هەبن.
