به‌رپه‌ره‌كێ نێڤده‌وله‌تى: چینى لسه‌رێ لیستا مرۆڤێن زیر‌ه‌ك دهێن
بەلاڤ بکە
گاڤ
ل گۆره‌ى ئامارا 2025ێ یا وێبسایتێ ئه‌زموونا ئاى كیۆ یا نێڤده‌وله‌تى International IQ Test، تایبه‌ت ب رێزبه‌ندیا زیره‌كیا خه‌لكێ وه‌لاتێن جیهانێ، چینى ب 107.19 خالان ل رێزا ئێكێ دهێن، خه‌لكێ وه‌لاتێ گابۆنێ ئه‌فریقیا ژى ب 85.08 خالان ل رێزا دویماهیێ یا رێزبه‌ندیێ نه
ل گۆره‌ى وى وێبسایتى، ژ سه‌رجه‌مێ 126 وه‌لاتان، ئیراقى ب 93.99 خالان ل رێزبه‌ندیا 93 دهێن.
لسه‌ر ئاستێ وه‌لاتێن عه‌ره‌بى، لوبنان ب 99.39 خالان ل رێزا ئێكێ و یه‌مه‌ن ب 93.03 ل رێزا دویماهیێ دهێن.
ئه‌ڤ رێزبه‌ندیا دهێته كرن، لسه‌ر بنه‌مایێ كۆمه‌كا پرسیارێن هزرى یه، ژ وان كه‌سان دهێته كرن كو پشكداریێ د تاقیكرنێن وێبسایتێ International IQ Test دكه‌ن.
ل گۆره‌ى وێبسایتى، ئه‌و ئه‌گه‌رێن كو وه دكه‌ن رێژه‌یا ژیرى وه‌لاته‌كى بۆ وه‌لاته‌كێ بهێته گهۆڕین، په‌یوه‌ندى ب بۆماوه‌یێ مرۆڤان، سیسته‌مێ خۆراكى یێ رۆژانه، چالاكیێن مێشكى و نه‌خۆشیان ڤه هه‌یه.
