گاڤ

ب ئارمانجا وه‌رگرتنا رێزبه‌بندییا ئێكێ یا یانه‌یێن خولا ستێرێن ئیراقێ، ئه‌ڤ شه‌ڤه‌ زاخۆ دێ مێهڤانداریا شورته‌ كه‌ت.

د گه‌ڕا 26 یا خولا ستێرێن ئیراقێ دا، ئه‌ڤ شه‌ڤه‌ ده‌مژمێر 9، ل یاریگه‌ها خۆ، زاخۆ دێ مێهڤانداریا یانه‌یا شورته‌ كه‌ت، ب سه‌ركه‌فتا زاخۆ د ڤێ یاریێ دا، زاخۆ دێ چیته‌ سه‌رێ رێزبه‌ندیا یانه‌یان، سه‌رجه‌م یاریزانێن زاخۆ بۆ یاریێ ئاماده‌نه‌ و ئه‌حمه‌د ئیبراهیم یێ به‌رگریكار ژى ئه‌ڤ شه‌ڤه‌ دێ ڤه‌گه‌ریته‌ یاریێ.

زاخۆ و شورته‌ تا نها 24 یاریێن فه‌رمى دگه‌ل ئێك كرینه‌، د 4 یاریان دا سه‌ركه‌فتى بوویه‌ و د 14 یاریان دا شورته‌ سه‌ركه‌فتى بوویه‌، د 7 یاریان ژى دا وه‌كهه‌ڤ بووینه‌، دو جاران ژى د جاما ئیراقێ دا شورته‌ زاخۆ دویرئێخستى یه‌.

ژبه‌ر سه‌ركه‌فتنا دهۆكێ به‌رانبه‌ر زه‌ورا و ئه‌گه‌ر زاخۆ د یاریا ئه‌ڤ شه‌ڤه‌‌ دا سه‌ربكه‌ڤیت، ئێكسه‌ر دێ چیته‌‌ سه‌رێ رێزبه‌ندیا یانه‌یان، زاخۆ نها 49 خال هه‌نه‌ و ل رێزبه‌ندیا سێیێ یه‌، شورته‌ ژى ب 50 خالان ل رێزبه‌ندیا دووێ یه‌، دو یاریێن پاشخستى ژى هه‌نه‌، د گه‌ڕا بهێت دا زاخۆ دێ بیته‌ مێهڤانا كه‌ربه‌لا به‌رى ل یاریگه‌ها خۆ ل جاما ئیراقێ روى ب رو‌ى نه‌ورۆز ببیت.