گاڤ

وەزیرا گەهاندنێ یا ئیراقێ ئەڤرۆ دوپاتکر کو کارێ وان یێ سەرەکی بۆ سالا 2025ێ قەدەغەکرنا ئەپلیکەیشنێ تیک تۆکی یە ل ئیراقێ.

هەیام یاسری، وەزیرا گەهاندنێ یا ئیراقێ ئەڤرۆ راگەهاند؛ وان ب فەرمی داخواز ژ پەرلەمانێ ئیراقێ کریە قەدەغەکرنا تیک تۆکی بکەنە یاسا و دەنگی ل سەر بدەن.

هەروەسا گۆت: داخوازیا پتریا خێزانێن ئیراقێ یە تیک تۆک بهێتە قەدەغەکرن، ژبەرکو ڤیدیۆ و بابەتێن ل سەر تیک تۆکی بەلاڤ دبن ژ رەوشتێ وەلاتیان دویرن.

وەزیرا گەهاندنێ یا ئیراقێ دبێژیت، پێدڤیە پەرلەمان بەرسڤا داخوازیا وان بدەت و وی ئەپلیکەیشنی قەدەغە بکەت.

تیک تۆک ئێک ژ وان ئەپلیکەیشنانە یێن ل ژمارەکا  وەلاتێن جیهانێ بریارا قەدغەکرنێ ل سەر هاتیە دان، بۆ جارا ئێکێ هندستانێ قەدەغەکربوو، ئیدارا نوی یا ئەمریکا ژی بریارا قەدەغەکرنێ دایە، لێ هێشتا نەهاتیە بجهئینان.