گاڤ

رۆژنامەیا ئاس یا ئسپانی د راپۆرتەکێ دا هێرشەکا دژوار کریە سەر راهێنەرێ ریال مەدرید و دبێژیت ئێدی پشتەڤانان باوەری ب وی نەمایە.

شەمبییا بۆری د لالیگایێ دا ریال مەدرید د یاریگەها خۆ دا مێهڤاندارییا یانەیا ڤالنسیا کربوو و بۆ ئێکەم جار پشتی 17 سالان ل یاریگەها بێرنابیۆ ل هەمبەر چەکچەکیلێن شەڤێ کو ناسناڤێ یانەیا ڤالنسیایە تووشی خۆسارەتییێ بوون و ئەنشلۆتی کەفتە بەر رەخنەیاکا دژوار یا پشتەڤانان.

رۆژنامەیا ئاس یا ئسپانی کو یا نێزیکی یانەیا شاهانەیە، د راپۆرتەکێ دا بەلاڤکریە: ئەنشلۆتی ب بریارێن خۆ یێن شاش گەلەک نەمایە ژوورا جلکگهۆرینێ ژ دەستبدەت و ئێدی پشتەڤانێن ریالێ ژی باوەری ب ئەوی راهێنەرێ ئیتالی نەمایە.

رۆژنامێ ئاماژە ب وێ یەکێ ژی کریە: ئەنشلۆتی بەرانبەر یانەیا ڤالنسیا د هەمی تشتان دا شکەستن ئینا، ئێک ژ وان ب پێکهاتییەکێ شاش یاری دەستپێکر، یا دوێ گۆهرینێن وی د بێ مفا بوون و یا سێیێ ژی د بریارێن خۆ یێن ستراتیژی دا یێ سەرکەفتی نەبوو.