گاڤ
پشتی سەپاندنا پێناسەیا گۆمرکی  ژ بال ترەمپی ڤە، زیانێن مەزن گەهشتینە پشکێن ئەمریکی و بازارێن دارایی تووشی هەڕفینێ بوون.
ئەڤرۆ، رۆژا دوشەمبى 07-04-2025، ژ ئەگەرێ سەپاندنا باجێن ئەمریکا ل سەر چەندین وەلاتان، د ئەڤان سێ رۆژێن بۆری دا پشکێن ئەمریکى تووشی مەزنترین زیانان بووینە، ب رەنگەکێ کو ئەڤە ژ سالا ١٩٨٧ وەرە، ب ڤی شێوەیی نەبوویە.
هەروەسا ژ ئەگەرێ ڤان پێناسەیێن گومرکی، د بازاڕی دا چەند کۆمپانییێن مەزن، ل ویلایەتێن ئێکگرتی یێن ئەمریکی، تووشی زیانێن مەزن بوون.
ل دویڤ مالپەرێ بلومبێرگ یێ ئەلمانی، بووینە د ئەڤان سێ رۆژێن بۆری دا، پشکێن ئەمریکى تووشی مەزنترین زیانان بووینە ب رەنگەکی کو ئەڤە ژ سالا 1987 وەرە، زیانێن هند یێن مەزن نەبووینە.
ل دویڤ هەمان ژێدەری؛ د هەمان دەم دا، داهاتێن قەوالەیێن دارایی یێن ئەمریکى 15 خالان بلندبوون و بوونە 4.15%، هەروەسا دیارکەرێ SP500 ب رێژەیا 2% هاتەخوار، هەروەسا دیارکەرێ داوجونز 962 خال ژ دەستدان کو دبیتە رێژەیا 2%.

پشتی کو ل رۆژا پێنجشەمبى، رێککەفتى 2025-04-03 دۆنالد ترەمپ، د کۆنگرەکێ رۆژنامەڤانى دا رێژەیا پێناسەیێن گۆمرکى ل سەر وەلاتێن جیهانێ و هەڤپەیمانێن خۆ  ژوان مەکسیک و کەنەدا و چین دایە دیارکرن، چەند نەرازیبوونێن ناڤدەولەتى ب دویڤخۆ را ئینان، ئیراق ژی ئێک ژوان وەلاتانە یێن کو پێناسەیێن گۆمرکى ل سەر هاتینە سەپاندن ئەڤە د دەمەکی دایە کو سالانە بازرگانییا دناڤبەرا ئیراق و ئەمریکا دا دگەهیتە 15 ملیار دۆلاران.
ترەمپی هەروەسا دابوو دیارکرن؛ کو ئەو دێ ب رێژەیا 10٪ باجێ دانیتە سەر هەمی کەلوپەلێن دهێنە هاوردەکرن. هەروەسا دێ ب رێژەیا 25٪ باجێ دانیتە سەر وان ترومبێلێن کو ژ دەرڤەیی ئەمریکا دهێنە دروستکرن.
ل دۆر سەپاندنا باجێ ل سەر ئەورۆپا ژی ترەمپی دیار کر: ئەورۆپا چ بەرهەمێن ئەمریکایێ هاوردە ناکەت، لەوما دێ 20٪ باجێ دانینە سەر ئەورۆپایێ.