16 نه‌خۆشی گرێداى قه‌له‌ویێ نه
بەلاڤ بکە
گاڤ
د ئێك ژ مه‌زنترین ڤه‌كۆلینێن دا ل ئه‌مریكا هاتیه زانین، 16 نه‌خۆشییان گرێدان ب قه‌له‌ویێ ڤه هه‌یه.
ڤه‌كۆلین ل گۆڤارا"NEJM Evidence" هاتیه به‌لاڤكرن، ئێك ژ مه‌زنترین ڤه‌كۆلینایه، ل زانكۆیه‌كا ئه‌مریكى هاتیه كرن، شیكار بۆ داتایێن پتر ژ 270 هزار پشكداران هاتیه كرن، پشكدار ل دویڤ پیڤه‌رێن گرانیا له‌شێ وان هاتینه لێكڤه‌كرن بۆ یێن سه‌نگا وان ئاسایی، یێن سه‌نگا وان زێده و قه‌له‌ویا پله ئێك، دو و سێ.
ڤه‌كۆلینی 16 حاله‌تێن تووشبوونێ ب نه‌خۆشیان ده‌سستنیشانكرینه كو په‌یوه‌ندى ب قه‌له‌ویێ ڤه هه‌نه، وه‌كى: بلندیا فشارا خوینێ، شه‌كرا جوێ دووێ، بلندبوونا دوهنیاتێن خوینێ، لاوازبوونا دلى، ره‌جفین، نه‌خۆشیا ره‌قبوونا خوینبه‌رێن دلى، نه‌خۆشیا دۆمدرێژ یا گۆلچیسكان، لاوازبوونا سیهان، نه‌چالاكیا زڤڕینا خوینێ، كیشه‌یێن زراڤێ، نه‌خۆشیا مێلاكێ، تێكچوونا خه‌وێ، ته‌نگه‌نه‌فه‌سى، كێشه‌یێن گه‌ده‌ى و كۆ ئه‌ندامێ هه‌ناسه‌دانێ و سستبوونا هه‌ستى.
ل گۆره‌ى ئه‌نجامێن ڤه‌كۆلینا وێ زانكۆیا ئه‌مریكى كرین، توشبوون ب ڤان حاله‌تان، هێدى هێدى دگه‌ل سه‌رهلدانا قه‌له‌ویێ و پله‌یێ، وێ دا زێده دبیت،
بهێزترین گرێدانا ڤان نه‌خۆشیان ب قه‌له‌ویێ ڤه ل ده‌ڤ وان كه‌سان هاته دیتن یێن گه‌له‌ك قه‌له‌و، و مه‌ترسیا وان ب راوه‌ستیانا هه‌ناسه‌یێ ل ده‌مێ نڤستنێ 11 جاران پتره، توشبوون ب نه‌خۆشیا شه‌كرا دووێ ژى 6 جاران و نه‌خۆشیا مێلاكێ 7 جاران پتره ژ كه‌سێن سه‌نگا وان ئاسایی.
