واشونتن پۆست: یان دانوستاندنێن ئێكسه‌ر یان چ دیدار ل عومان ناهێنه كرن
بەلاڤ بکە
گاڤ
ئه‌مریكا ره‌ت دكه‌ت دانوستاندنان ل عومانێ ل گه‌ل ئیرانێ بكه‌ت ئه‌گه‌ر ئه‌و دانوستاندن نه ئێكسه‌ر بن، ئه‌مریكا ژى دبێژیت: دانوستاندن نه‌ئێكسه‌رن.
دهێته چاڤه‌ڕێكرن شه‌مبیێ ئه‌مریكا و ئیران دانوستاندنان ل عومان ده‌ستپێ بكه‌ن و تا نوكه به‌رپرسێن هه‌ر دو وه‌لاتان ل سه‌ر دانوستاندن ئێكسه‌ر یان نه ئێكسه‌ر داخویانیێن جودا دده‌ن.
رۆژنامه‌یا واشونتۆن پۆست ژ به‌رپرسه‌كێ مه‌زن یێ ئیداره‌یا ئه‌مریكا وه‌رگرتییه كو ستیف ویتكۆف، هنارتیێ تایبه‌ت یێ ئه‌مریكا بۆ كاروبارێن رۆژهه‌لاتا ناڤین ب رێكا نامێ ئیران ئاگه‌هدار كریه كو دانوستاندن دڤێت ئێكسه‌ر بن، لێ ئیران ره‌ت دكه‌ت و دیاردكه‌ت، دێ دانوستاندن نه‌ئێكسه‌ر بن.
هه‌روه‌سا رۆژنامێ دیاركریه، پێشتر ترامپى ب زه‌لالى ئاشكراكریه، چ دانوستاندنه‌كا ل گه‌ل ئیرانێ بهێته‌كرن نابیت ژ هه‌لوه‌ستێ ئسرائیلێ بهێته جوداكرن.
