رۆبۆته‌ك وه‌كو قوتابى ل زانكۆیه‌كا نه‌مسا هاته وه‌رگرتن
بەلاڤ بکە
گاڤ
رۆبۆته‌ك ل زانكۆیه‌كا نه‌مسا شیا هه‌مى تاقیكرنێن وهرگرتنێ ده‌رباز بكه‌ت و سه‌ركه‌ڤتیانه بهێته وه‌رگرتن.
رۆبۆتێ ب ناڤێ "فلین" شیا سه‌ركه‌ڤتیانه هه‌مى تاقیكرنێن وهرگرتنێ ل كولیژا هونه‌رێن دیجیتالى ل زانكۆیا ڤیه‌نا ل نه‌مسا ده‌رباز بكه‌ت.
فلین د چاڤپێكه‌فتنا كه‌سى دا ئاماده‌بوویه و هه‌لسه‌نگاندن لسه‌ر بنه‌مایێ پیڤه‌رێن ئه‌كادیمى وه‌كى هه‌ر قوتابیه‌كى بۆ هاتیه كرن.
وێ زانكۆیێ دیاركر، وان چ یاسا نینن بۆ ره‌تكرنا داخوازا رۆبۆته‌كى ماده‌م هه‌مى تاقیكرنێن وهرگرتنێ سه‌ركه‌ڤتیانه ئه‌نجامداینه.
لیز هاس، سه‌رۆكێ پشكا هونه‌رێن دیجیتالى ل وێ زانكۆیێ دبێژیت، یاسایان پێدڤى ب وێ ئێكێ نه‌دكر كو داخوازكه‌رمرۆڤ بیت، هه‌روه‌سا فلین یێ نایاب بوو، چاڤپێكه‌فتن ژى یا قه‌ناعه‌ت پێكه‌ربوو، مه چ ئه‌گه‌ر نه‌دیتن داكو وه‌رنه‌گرین.
هاسى ئاماژه ب وێ ئێكێ ژى كر، وى رۆبۆتى ب پشتبه‌ستن ب AI كارلێكێ دگه‌ل ماموستا و قوتابیێن دى دا دكه‌ت. پێشبینى دهێته كرن به‌راهیا هه‌میان ژى شیانێن سه‌رسورهێنه ر پێشكێش بكه‌ت.
