تره‌مپ بۆ بنیامین ناتانیاهۆیی: ب زویترین دەم شەڕێ غەززە ب راوەستینە
بەلاڤ بکە
گاڤ
د دویماهى پەیاما خۆ دا سه‌رۆكێ ئه‌مریکا، سه‌رۆك وه‌زیرێ ئسرائیلێ ئاگەهدار کرییە کو پێدڤییە شەڕێ ل دژی حەمماسێ ل غەززە ب راوەستینیت.
ڕۆژنامەیا "یەدیوت ئەهرۆنۆت" یا ئسرائیلی، ئەڤرۆ پێنجشه‌مبی، 2025-04-10، د راپۆرتەکێ دا دیارکرییە؛ دۆناڵد ترەمپ، سەرۆکێ ویلایەتێن ئێکگرتی یێن ئەمریکا، ب تنێ دوو بۆ سێ حەفتی وه‌ك دویماهى دەرفەت ب بنیامێن نەتەنیاهۆیی، سه‌رۆك وه‌زیرێ ئسرائیلێ داینە، کۆ شەڕێ دژی حەمماسێ ل غەززە ب راوەستینیت.
هەروەسا رۆژنامەیێ دیارکرییە؛ ئاشکەرایە کو ترەمپی د دویماهى کۆمبوونا خۆ دا ل گەل نەتەنیاهۆیی، ل کۆچکا سپی پەسنا وی کرییە. لێ د هەمان دەم دا ترەمپی چەند پلان هەنە و دخوازیت رێککەفتنێن جودا جودا بکەت و بارمتەیێن مایی د دەستێ حەمماسێ دا ئازاد بکەت و ب ئێکجاری شەڕی ب دویماهی بینیت.
پێشتر ژی ترەمپی گۆتبوو؛ ئەگەر مە شیا غەززەیێ ژ خەلکی ڤالا بکەین، دێ ناڤێ وێ کەینە وارێ ئاشتییێ، لێ ئەز نزانم کا بۆچی ئسرائیل ژ ئاخا کۆنترۆلکری ل غەززە دەرکەفت.
