گاڤ

ئەڤرۆ، پشتی نیڤرۆ هوسا بریارە کۆمبوونا دناڤبەرا هەردو ئالییێن بلند یێن ئەمریکا و ئیرانێ دا ل مەسقەتا پایتەختێ عومانێ بهێتە برێڤەبرن. د کۆمبوونێ دا دێ پرسا چەکێ ئەتۆمی یێ ئیرانێ هێتە بەحسکرن.

سپێدەهییا ئەڤرۆ،2025-04-12 ، شاندێ ئیرانێ ب سەرۆکاتییا عەباس عەراقچی، وەزیرێ دەرڤە یێ ئیرانێ، گەهشتە مەسقەتا پایتەختێ عومانێ، هوسا بریارە ل گەل شاندێ بلند یێ ئەمریکایێ کۆم ببیت.

تەلەڤزیۆنا فەرمی یا ئیرانێ راگەهاند؛ دانوستاندنێن نە راستەوخۆ دناڤبەرا شاندێ ئیران و ئەمریکایێ دا دێ هێنە برێڤەبرن.

ئەوژی دا دیارکرن؛ شاندێ مە پێکهاتییە ژ؛ مەجید تەخت رەوانچی، جێگرێ سەرۆک وەزیری بۆ کاروبارێن سیاسی، کازم غەریب ئابادی، جێگرێ کاروبارێن یاسایی و ناڤدەولەتی، ئیسماعیل بەقایی، پەیڤدارێ وەزارەتا دەرڤە یا ئیرانێ و هژمارەیەکا بسپۆرێن دی تر.

پێشتر ژی هنارتییێ تایبه‌ت یێ ئه‌مریكا بۆ كاروبارێن رۆژهه‌لاتا ناڤین ب رێكا نامەیێ ئیران ئاگه‌هدار كربوو‌ كو دانوستاندن دڤێت راستەوخۆ بن، لێ ئیرانێ ره‌ت دكر و دگۆت، دێ دانوستاندن نە راستەوخۆ بن.