گاڤ

ل مەسقەتا عومانێ، وەزیرێ دەرڤە یێ ئیرانێ  ل گەل وەزیرێ دەرڤە یێ عومانێ کۆمبوو. پەیوەندیێن دو ئالی، رەوشا ناوچەیێ و پرسەیێن گرێدایی دانوستاندنا ل گەل شاندێ بلند یێ ئەمریکا ل دۆر بەرنامەیا ئەتۆمی یا ئیرانێ گۆتوبێژکرن.

ئەڤرۆ، رۆژا شەمبییێ، بەری نیڤرۆ، 2025-04-12، عەباس عەراقچی، وەزیرێ دەرڤە یێ ئیرانێ،  د چارچووڤێ سەرەدانا خۆ دا بۆ وەلاتێ عومانێ کو بریارە ئەو وەلاتە ببیتە ناڤبەینکار دناڤبەرا هەردو شاندێن بلند یێن ئیران و ئەمریکایێ دا، ل گەل بەدر ئەلبوسەیدی، وەزیرێ دەرڤە یێ عومانێ کۆمبوو.

میدیایێن ئیرانێ دیارکرییە؛ د سەر هندێ را د کو د کۆمبوونێ دا بەحس ل شێواز و برێڤەبرن و میکانزمێن دانوستاندنێن ل گەل ئەمریکا هاتییە کرن. وەزیرێ دەرڤە یێ ئیرانێ، ژبەر بزاڤا وان بۆ باشترکرنا رەوشا ناوچەیێ و ناڤبەینکارییا وان بۆ هەردو شاندێن ئیران و ئەمریکایێ ل دۆر چارەکرنا بەرنامەیێ وان یێ ئەتۆمی سوپاسییا وەلاتێ عومانێ کرییە.

میدیایێن ئیرانێ ئەوژی دیارکرییە؛ بریارە پشتی کۆمبوونا ل گەل شاندێ ئیرانێ، کۆمبوونەکا ب ڤی رەنگی ل گەل شاندێ ئەمریکا بهێتە کرن.

ل سپێدەهییا ئەڤرۆ، 2025-04-12، ب سەرۆکاتییا عەباس عێراقچی، شاندێ ئیرانێ  کو پێکهاتبوون ژ مەجید تەخت رەوانچی، جێگرێ سەرۆک وەزیری بۆ کاروبارێن سیاسی، کازم غەریب ئابادی، جێگرێ کاروبارێن یاسایی و ناڤدەولەتی، ئیسماعیل بەقایی، پەیڤدارێ وەزارەتا دەرڤە یا ئیرانێ و هژمارەیەکا بسپۆرێن دی تر.

ل دویڤ چەند ژێدەران بریارە دانوستاندنێن دناڤبەرا شاندێ ئەمریکا و ئیرانێ دا بکەڤیتە پشتی نیڤرۆ.

پێشتر ترەمپی، ل 2025-04-08، راگەهاندبوو؛ رۆژا شەمبییێ دێ ب رەنگەکێ راستەوخۆ ل سەر ئاستێن بلند ل گەل ئیرانێ کۆمبین و هیڤیدارین ڤان کۆمبوونان ئەنجام هەبن و ل گەل ئیرانێ رێکبکەڤین.

د بەرانبەر دا دەستهەلاتا ئیرانێ ئەڤ چەندە رەت دکر و گۆتبوو: دانوستاندن دێ ب رەنگەکێ نەراستەخۆ بن.