سەروان هەرکی

جاران دەمێ ناکۆکیێن سیاسی ل هەرێمێ چێدبوون، هەمی چاڤ بەرەڤ وی دچوون داکو سەقایی ئاسایی بکەت.

ل گەل بەغدا و وەلاتێن دەردۆر ب جۆرەکی سیاسەت دکر، پەیوەندی ژ دژایەتییێ بۆ دۆستایەتییێ ل سەر بنەمایێن هەڤپشک دگوهۆڕین. پاشی د پرسێن هەرێمی و ئالۆزیێن دەڤەرێ دا پشکداریەکا کارا د گوهۆڕینا هاوکێشەیان و بەرقەرارکرنا سەقامگیریێ دا هەبوو.

ل گەل ڤێ هەمیێ ژی، هەڤسەنگی پاراست و داکو ئالیەکێ بکەتە دۆست، ئالیێ دی نەکرە دوژمن، وەک کاراکتەرەکێ بهێز یێ ناوچەیێ هاتە دیتن و بۆ مەحفەلەیێن جیهانی هاتە گازیکرن. نوکە وەلاتێن زلهێز یێن جیهانێ مێهڤانداریا وی دکەن و بۆ ئێکلاکرنا پرسێن هەرێمێ و جیهانی دیدگەهـ و بوچوونێن وی وەردگرن.

ئێدی سەرۆک نێچیرڤان بارزانی ژ دپلۆماسیەکێ بهێز یێ ناڤخۆ و دەڤەرێ دەرکەفتیە و نوکە دپلۆماسیەکێ بهێز یێ جیهانی یە، بێگۆمان ئەڤە ژی بەرهەمێ دنیابینی و دیدگەهـ و سیاستا وی یە، هەمی دزانن ئەو داخوازکەرێ چارسەریی و بەردەستکرنا ئاشتیێ یە.