گاڤ

مەسروور بارزانی پیرۆزباهییا جەژنا سەرسالا ئێزدییان کر و د پەیامەکێ دا دبێژیت؛ پیرۆزباهییێ ل خویشك و برایێن ئێزدی ل کوردستان و جیهانێ دکەم. هیڤیخوازم جەژنەکا پڕی خۆشی بیت.

ئەڤرۆ، سێ شەمبییێ، 15-04-2025، ب هەلکەفتا هاتنا جەژنا سەرێ سالا ئێزدییان، مەسروور بارزانی، سەرۆکێ حکومەتا هەرێما کوردستانێ پەیامەک بەلاڤکر و راگەهاند: پیرۆزباهییێ ل خویشك و برایێن ئێزدی ل کوردستان و جیهانێ دکەم. هیڤیخوازم جەژنەکا پڕی خۆشی بیت.

مەسروور بارزانی نڤیسییە: سەرێ ساڵا ئێزدییان ل تەڤایا خویشک و برایێن ئێزدی ل کوردستان و جیهانێ پیرۆز دکەم. هیڤیدارم جەژنەکا خۆش و پڕ شادی ببورینن.

هەروەسا گۆت ژی: وەکو هەردەم، پشتەڤانییا ماف و داخوازییێن خویشک و برایێن ئێزدی دکەین و د هەول و بزاڤێن خۆ دا د بەردەوامین دا کو ڕەوشا شنگالێ ئاسایی ببیتەڤە و ئاڤەدان ببیت و ئاوارەێین وێ دەڤەرێ، ب سەربلندی ڤەگەڕنەڤە سەر وارگەهێن خۆ.

ل دویماهیا پەیاما خۆ دا مەسروور بارزانى هەروەسا گۆت: سەرساڵا ئێزدییان پیرۆز بیت و هەردەم د ئاشتی و ساخلەمیێ دا بن.

چارشەمبا سەرێ نیسانێ، سەرێ سالا ئێزدییانە کو ئێکەم چارشەمبێن مەها نیسانێ، بۆ کوردێن ئێزدی دبیتە جەژن و ل دویڤ هزروبیرێن ئێزدییان جیهان د ڤێ رۆژێ دا دروستبوویە و سروشت رەنگین بوویە. لەوما ب ڤێ هەلکەفتێ هێکان رەنگ دکەن و ل دویڤ هندەک ژێدەران، دیرۆکا ڤێ جەژنێ یا کەڤنە و د ناڤ ئایینێ میتراییان ژی دا هەبوویە.