سیسته‌م و یاسایێن یاریا دهۆك و قادسیه
بەلاڤ بکە
گاڤ
ل گۆره‌ى سیسته‌م و یاسایێن یاریا دویماهیێ یا جاما كه‌نداڤى كو ئه‌ڤرۆ دێ دناڤبه‌را یانه‌یا دهۆك یا هه‌رێما كوردستانێ و یانه‌یا قادسیه یا كوێتى دا هێتـه كرن، ئه‌گه‌ر یارى وه‌كهه‌ڤ بوو، دادڤان دێ یاریێ بۆ نیڤێن زێده‌كرى درێژ كه‌ت.
ل گۆره‌ى یاسا و سیسته‌مێ قاره‌مانیێ، ئه‌گه‌ر یاریا ئه‌ڤرۆ وه‌كهه‌ڤ ب دویماهى بهێت، یارى دێ بۆ دو نیڤێن زێده‌كرى هێته درێژكرن و ئه‌گه‌ر هه‌ر یارى وه‌كهه‌ڤ بوو، ناڤبژیڤان دێ په‌نایێ به‌ته به‌ر لێدانێن ئێكلاكه‌ر.
فیدراسیۆنا ته‌پا پێى یا كه‌نداڤى راگه‌هاندى یه، یاسایا یاریێ یا چوون و ڤه‌گه‌ریانێ یا خولا یانه‌یێن پاله‌وانێن كه‌نداڤى وه‌سایه كو ، هه‌ردو ئالى ب هه‌ر ئه‌نجامه‌كى وه‌كهه‌ڤ بن بۆ نمونه:1-1 یان 2-2، یارى دێ چیته لێدانێن ئێكلاكه‌ر و یاسایا گولا یانه‌یێ ل ده‌رڤه‌ى یاریگه‌ها وێ ناهێـته په‌یره‌و‌كرن.
دهۆك و قادسیه ل كوێتێ بێى گۆل وه‌كهه‌ڤبوون، دیاریا ڤه‌گه‌ڕیانێ دا دهۆك ب هه‌ر ئه‌نجامه‌كى ببه‌ت دێ بیته قاره‌مانا یانه‌یێن قاره‌مانێن كه‌نداڤى. لێ ب هه‌ر ئه‌نجامه‌كى وه‌كهه‌ڤ ببن، یارى دێ بۆ دو نیڤێن زێده‌كرى یان لێدانێن ئێكلاكه‌ر هێتـه درێژكرن.
خولا قاره‌مانێن كه‌نداڤى ل سالا 1981ێ ده‌ستپێكرى یه و یانه‌یێن وه‌لاتێن كه‌نداڤى پشكداریێ تێدا دكه‌ن، ژ سالا 2015ێ قاره‌مانى راوه‌ستیابوو، ڤى وه‌رزى سه‌ر ژنوى ده‌ستپێكریه‌ڤه و بۆ ئێكه‌م جاره د دیرۆكا قاره‌مانیێ دا یانه‌یه‌كا ئیراقى پشكداریێ تێدا دكه‌ت.
یانه‌یێن شه‌باب یا ئیماراتى و ئه‌هلى یا سعودى خودانێن پترین ناسناڤانه د دیرۆكا قاره‌مانیێ دا و هه‌ر ئێك ژ وان 3 جاران بوویه قاره‌مانێن كه‌نداڤى.
