گاڤ

سه‌رۆك نێچیرڤان بارزانى، سه‌رۆكێ هه‌رێما كوردستانێ ژ دل و جان پیرۆزباهى ل یانه‌یا دهۆكێ كر و ل دۆر سه‌ركه‌ڤتنا ئه‌ڤ شه‌ڤه‌ یا ئه‌لهۆیێن یانه‌یا دهۆكێ همبه‌ر یانه‌یا قادسیه‌ یا كوێتى گۆت، وان ب ڤێ سه‌ركه‌فتنێ و ڤێ يارييا جوان و بهێز، دلێ مه‌ هه‌ميان ل كوردستانێ و سه‌رانسه‌ری ئیراقێ شاد كر.

یانه‌یا دهۆك یا وه‌رزشى ئه‌ڤ شه‌ڤه‌ سه‌ركه‌ڤتنه‌كا دیرۆكى همبه‌ر یانه‌یا قادسیه‌ یا كوێتى د چارچووڤه‌یێ قاره‌مانیا یانه‌یێن كه‌نداڤى دا ب 2 گۆلان به‌رانبه‌ر گۆله‌كێ تۆماركر وه‌كى ئێكه‌م یانه‌یا ئیراقێ چوو د دیرۆكێ دا كو ڤى ناسناڤى ب ده‌ستڤه‌ بینیت.

د په‌یامه‌كا پیرۆزباهیێ دا، سه‌رۆك نێچیرڤان بارزانى راگه‌هاند، ئه‌و ژ دل و ب گه‌رمى پيرۆزباهيێ ل يانه‌يا دهۆكێ يا خۆشتڤى دكه‌ت بۆ سه‌ركه‌فتنا وێ يا ئه‌ڤرۆ کو بۆ جارا ئێکێ، بوو قه‌هره‌مانا جاما كه‌نداڤێ.

هه‌روه‌سا سه‌رۆكێ هه‌رێما كوردستانێ گۆت ژى،  یانه‌یا دهۆكێ ب ڤێ سه‌ركه‌فتنێ و ڤێ يارييا جوان و بهێز، دلێ مه‌ هه‌ميان ل كوردستانێ و سه‌رانسه‌ری ئیراقێ شاد كر. ئه‌م هه‌مى شانازيێ ب يانه‌يا دهۆكێ و ڤێ سه‌ركه‌فتنێ دكه‌ين

سه‌رۆك نێچیرڤان بارزانى، ئێك ب ئێك ده‌ستخۆشي ل هه‌مى ياريزان و به‌رپرسيارێن يانه‌يا دهۆكێ ژى كرن و گۆت، جهێ سپاسى و پێزانين و شانازييا كوردستانێ و هه‌مى عێراقێنه‌. هيڤيا گه‌له‌ك سه‌ركه‌فتن و بده‌ستئێخستنا گه‌له‌ك جامێن دى بۆ خواست.