گاڤ

سه‌رۆك مه‌سعود بارزانى د په‌یامه‌كا پیرۆزباهیێ دا سه‌ركه‌ڤتنا یانه‌یا دهۆكێ پیرۆز كر و راگه‌هاند، سەرکەفتنا دهۆکێ سەرکەفتنا هەمی کوردستانێ یە.

ئه‌ڤرۆ سێشه‌مبێ  15ـی نیسانا 2025، یانەیا وەرزشیا دهۆکێ د قاره‌مانیا جاما كه‌نداڤى دا، د یاریا دویماهیێ دا سه‌ركه‌ڤتنه‌كا دیرۆكى همبه‌ر یانه‌یا قادسیه‌ یا كوێتى ب دو گۆلان به‌رانبه‌ر گۆله‌كێ تۆماركر، گۆلێن ئه‌لهۆیێن چیا د خوله‌كا 66 و 93 دا ژ لایێ سیابه‌ند عه‌گید و مارلۆن دۆس سانتۆس هاتنه‌ تۆماركرن. ئێكه‌م جاره‌ یانه‌یه‌كا كوردستانى ڤى ناسناڤى بده‌ستڤه‌ دئینیت.

ب ڤێ سه‌ركه‌ڤتنێ سه‌رۆك مه‌سعوود بارزانى د په‌یامه‌كا پیرۆزباهیێ دا گۆت "پیرۆزباهیەکا گەرم ل یانا وەرزشیا دهۆکێ دکەم بۆ ڤێ سەرکەڤتنا دیرۆكى و ب دەستڤەئینا قەهرەمانیا جاما کەنداڤێ".

 هەروەسا سه‌رۆك بارزانى د په‌یاما خۆ دا گۆت "پیرۆزباهیێ ل خەلکێ دهۆکێ و هەمی خەلکێ کوردستانێ دکەم"  ئەڤ سەرکەفتنە سەرکەفتنا هەمی کوردستانێ یە. دەستخۆشى ل  هەمی لایەکی ژى كر و داخوازا سه‌ركه‌ڤتنێ بۆ كر.