گاڤ

ب هه‌لكه‌فتا سه‌ركه‌ڤتنا یانه‌یا دهۆك همبه‌ر یانه‌یا قادسیه‌ یا كوێتى كو ب ڤێ سه‌ركه‌ڤتنێ یانه‌یا دهۆك بوو قاره‌مانا جاما كه‌نداڤى. سه‌رۆكوه‌زیرێن هه‌رێما كوردستانێ مسروور بارزانى په‌یامه‌كا پیرۆزباهیێ به‌لاڤكر.

ئه‌ڤرۆ سێشه‌مبێ  15ـی نیسانا 2025، یانەیا وەرزشیا دهۆکێ د قاره‌مانیا جاما كه‌نداڤى دا، د یاریا دویماهیێ دا روى ب روى یانه‌یا قادسیه‌ یا كوێتى بوو، یارى ب ئه‌نجامێ دو گۆلان همبه‌ر گۆله‌كێ دبه‌رژه‌وه‌ندیا یانه‌یا دهۆكێ دا ب دویماهى هات‌ و جام بلندكر. گۆلێن ئه‌لهۆیێن چیا د خوله‌كا 66 و 93 دا ژ لایێ سیابه‌ند عه‌گید و مارلۆن دۆس سانتۆس هاتنه‌ تۆماركرن، گۆلا ئێكانه‌یا یانه‌یا قادسیه‌ ژى ل خوله‌كا 70 ژ لایێ محەمەد سۆلە هاته‌ تۆماركرن. ئێكه‌م جاره‌ یانه‌یه‌كا كوردستانى ڤى ناسناڤى بده‌ستڤه‌ دئینیت.

ب ڤێ هه‌لكه‌فتێ سه‌رۆكوه‌زیرێن هه‌رێما كوردستانێ، مه‌سروور بارزانى ل ئه‌كاونتێ خۆ ل تۆڕا جڤاكیا ئێكس پیرۆزباهى ل یارێزانێن یانه‌یا دهۆكێ، حه‌لكێ باژێرێ دهۆكێ و كوردستانێ ب گشتى كر، ب هه‌لكه‌فتنا بده‌ستڤه‌ئینانا جاما كه‌نداڤى.

سه‌رۆكوه‌زیران گۆت ژى، ئه‌ڤ سه‌ركه‌ڤتنا مه‌ززن جهێ شانازیا مه‌یه‌ و هیڤیا سه‌ركه‌ڤتنێ ژى بۆ ته‌ڤ یانه‌یێن وه‌رزشى یێن هه‌رێما كوردستانێ خواست.