قوباد تاله‌بانى: ئه‌ز ئه‌ڤرۆ دهۆكێ بووم
بەلاڤ بکە
گاڤ
قوباد تاله‌بانى، ب هه‌لكه‌فتا سه‌ركه‌فتنا یانه‌یا دهۆكێ دبێژیت " ژ دل خۆشحالبووم ب سه‌ركه‌ڤتنا یانه‌یا دهۆكێ كو بوویه قاره‌مانا جاما كه‌نداڤى".
یانه‌یا دهۆك یا وه‌رزشى ئه‌ڤ شه‌ڤه سه‌ركه‌ڤتنه‌كا دیرۆكى همبه‌ر یانه‌یا قادسیه یا كوێتى د چارچووڤه‌یێ قاره‌مانیا یانه‌یێن كه‌نداڤى دا ب 2 گۆلان به‌رانبه‌ر گۆله‌كێ تۆماركر، بوو قاره‌مانا جانا كه‌نداڤى و وه‌كو ئێكه‌م یانه‌یا ئیراقێ چوو د دیرۆكێ دا كو ڤى ناسناڤى ب ده‌ستڤه بینیت.
قوباد تاله‌بانى، جێگرێ سه‌رۆكوه‌زیرێ هه‌رێما كوردستانێ، د په‌یامه‌كێ دا ل تۆڕا جڤاكیا فێسبۆكى ل دۆر سه‌ركه‌ڤتنا یانه‌یا دهۆكێ نڤیسى یه " پیرۆزه دهۆك، پیرۆزه كوردستان، ئه‌ڤرۆ به‌نده دهۆكى بووم، ئه‌ڤرۆ هه‌ر كوردستانیه‌ك دهۆكى بوو".
جێگرێ سه‌رۆكوه‌زیرێ هه‌رێما كوردستانێ ئاماژه ب وێ ئێكێ ژى كر، ئه‌ڤ سه‌ركه‌ڤتنه دێ بیته پالده‌ر بۆ هه‌مى یانه‌یێن كوردستانێ بۆ وێ ئێكێ خه‌ونان ب سه‌ركه‌ڤتنێن مه‌زنتر لسه‌ر ئاستێ نێڤده‌وله‌تى ببینن.
قوباد تاله‌بانى باس ل وێ ئێكێ ژى كر، برنا دهۆكێ سه‌ركه‌ڤتنا وه‌رزشیا كوردستانێ و هه‌مى وه‌رزشڤانایه".
