گاڤ

سەرۆک بارزانی د یادا 38ـێ یا سالرۆژا کیمیابارانا بالیسان، شێخ وه‌سانان و دۆلا خۆشناوەتىییێ، پەیامەک بەلاڤکر و راگەهاند؛ سلاڤ بۆ گیانێ پاک یێن شەهیدێن ڤێ تاوانێ و تەڤایا شەهیدێن کوردستانێ.

سەرۆک بارزانى، ئەڤرۆ، چارشەمبییێ 2025-04-16، د یادا 38ـێ یا کیمیابارانا بالیسان، شێخ وه‌سانان و دۆلا خۆشناوەتىیێ دا، پەیامەک برێیا تۆرا کۆمەلایەتی یا ئێکس بەلاڤکر و گۆت؛ د یادا 38ـێ یا سالرۆژا کیمیابارانا بالیسان، شێخ وه‌سانان و دۆلا خۆشناوەتییێ دا سلاڤ بۆ گیانێ پاک یێن شەهیدێن ڤێ تاوانێ و تەڤایا شەهیدێن کوردستانێ.

سەرۆک بارزانى گۆت ژی؛ ئەڤ رویدانە بەلگەیەکا دی یە ژ درندەییا نەحەزێن کوردستانێ و نیشانا ئیرادە و خۆراگرییا گەلێ مەیە ل بەرانبەری زۆلم و داگیرکارییێ.

ئەڤرۆ، 2025-04-16، 38 سال ب سەر ئێکەم هێرشا کیمیابارانا رژێما ژناڤچوویی یا بەعس دا دبۆرن، دڤێ هێرشێ دا ناوچەیێن بالیسان، شێخ وەسان و چەند گوندەکێن دەوروبەر هاتنە ئارمانجکرن، ژمارا قوربانیێن هێرشی پتری هزار کەسان بوون.

وەک رێزگرتنەک ل شەهید و قوربانیییێن کیمیابارانا دۆلا خۆشناوەتییێ و ژینگەها وێ کو هاتبوو تێکدان، پەرلەمانێ کوردستانێ د روینشتنا 7ـی نیسانا سالا 2008ـێ، ب بڕیارا ژمارە ئێک یا هەمان سال، رۆژا 16ـی نیسانێ وەک رۆژا ژینگەها کوردستانێ دا دیارکرن.