بهایێ زێڕى بلندبوونه‌كا دیرۆكى تۆماركر
بەلاڤ بکە
گاڤ
ئه‌ڤرۆ بهایێ زێڕى ل بازارێن جیهانێ بلندبوونه‌كا دیرۆكى ب خۆڤه دیت و ئێكه‌م جاره د دیرۆكێ دا بگه‌هیته ڤێ گرانیێ.
ئه‌ڤرۆ دگه‌ل ڤه‌بوونا بازاڕێن ئاسیا، ئێك ئۆنسه‌یا زێرى ب 3357 دۆرلان مامه‌له پێ هاته كرن كو بهایه‌كێ دیرۆكى یه، د نها دا ئێك ئۆنسه ب 3340 دۆلاران مامه‌له پێ دهێته كرن و هه‌ر ریكۆرده‌كا دیرۆكیه و چ جاران نه‌گه‌هشتیه ڤى ئاستى.
بلندبوونا بهایێ زێڕى پشتى داخۆیانیێن جیرۆم پاول، سه‌رۆكێ بانكا ناڤه‌ندیا ئه‌مریكا هات كو شڤێدى هوشدارى ژ پێناسه‌یێن نوى یێن گۆمركى یێن تره‌مپى لسه‌ر بازارى و كاریگه‌ریێن نه‌رێنى یێن وان پێناسه‌یان لسه‌ر ئابۆرێ ئه‌مریكا دابوو.
پاولى راگه‌هاند ژى، پێناسه‌یێن گۆمركى شیانێن بانكا ناڤه‌ندى یا ئه‌مریكا لاواز كرینه، د ده‌مه‌كى دا كار دكه‌ت بۆ كێمكرن و كونترۆلكرنا هه‌لاوسانێ و هه‌ڤده‌م گه‌شه‌یا ئابۆرى ژى هاندده‌ت.
