حكومه‌ت دێ ب قه‌ر پاره‌ى ده‌ت
بەلاڤ بکە
ته دڤێت كاره‌بێ ژ وزه‌یا رۆژێ به‌رهه‌م بینى
گاڤ
بانكا ناڤه‌ندیا ئیراقێ، بڕیار دایه، هه‌ر وه‌لاتیه‌كێ بڤێت قه‌ره‌كى ب كۆژمێ 30 ملیۆن دیناران بده‌تێ بۆ به‌رهه‌مئینانا كاره‌بێ ژ وزه‌یا رۆژێ.
پشتى بانكا ناڤه‌ندیا ئیراقێ، رێكارێن پێدانا قه‌رێن بانكى بۆ به‌رهه‌مئینانا ئامیرێن كاره‌بێ، ب ووزه‌یا رۆژێ ده‌رخستین، د نها دا ده‌ست ب دانا پێشینه‌یان بۆ بانكان هاتیه كرن و ژ وى پاره‌ى هه‌ر وه‌لاتیه‌كێ بڤێت دێ 30 ملیۆن دینار پێ هێنه دان بۆ هه‌ر یه‌كه‌یه‌كا ئاكنجیبوونێ؛ حكومه‌تا هه‌رێمێ دخوازیت ئه‌ڤ قه‌ره بۆ وه‌لاتیێن هه‌رێمێ ژى بهێنه دان.
سەنعان عەبدوللا په‌یڤدارێ ده‌سته‌یا پاراستن و چاككرنا ژینگه‌ها هه‌رێمێ ژى راگه‌هاند: حكومه‌تا هه‌رێمێ پلان هه‌یه، قه‌رێن ده‌م درێژ بده‌ته وه‌لاتیان، بۆ دانانا سیسته‌مێ كاره‌بێ ژ تێهنا رۆژێ.
ئاماژه ب وێ ئێكێ ژى كر، لسه‌ر راسپارده‌یا جڤاتا وه‌زیرێن هه‌رێمێ، هه‌ر ئێك ژ رێڤه‌به‌رێن ووزه‌یێن نوى بووى ل وه‌زاره‌تا كاره‌بێ، ده‌سته‌یا پاراستن و چاككرنا ژینگه‌هێ و وه‌زاره‌تا باژێرڤانیان هاتینه راسپاردن، رێكارێن پێدڤى بگرنه به‌ر بۆ هه‌ماهه‌نگیكرنێ دگه‌ل بانكان د سانه‌هیكرنا كاران دا بۆ وه‌لاتیان بۆ دانانا سیسته‌مێ ووزه‌یا رۆژێ بۆ مالێن خۆ.
