حه‌كیم: هه‌لبژارتنێن ڤێجارێ ئێكلاكه‌رن
بەلاڤ بکە
گاڤ
سه‌رۆكێ ره‌وتا حیكمه رادگه‌هینیت، هه‌لبژارتنێن ڤێجارێ دێ ئێكلاكه‌ر بن و داخواز ژ موقته‌دا سه‌در كر پشكداریێ د هه‌لبژارتنان دا بكه‌ت.
هه‌لبژارتنێن ئیراقێ ل 11-11 یا ئه‌ڤ ساله دێ هێنه كرن و پێشتر كۆمسیۆنا بلند یا سه‌ربه‌خۆ یا هه‌لبژارتنان ژى بۆ گاڤ دیاركریه، ئه‌و به‌رهه‌ڤن هه‌لبژارتنان دده‌مێ خۆ یێ دیاركرى دا بكه‌ن.
ئه‌ڤرۆ ئێكشه‌مبێ 20-4-2025ێ عه‌مار حه‌كیم، سه‌رۆكێ ره‌وتا حیكمه یا نشتیمانى گۆت: گرنگه هه‌موو هێزێن ئیراقى ب تایبه‌ت موقته‌دا سه‌در پشكداریێ د هه‌لبژارتنێن بهێن یێن په‌ڕله‌مانێ ئیراقێ دا بكه‌ن، چونكى بۆ ئارامى و سه‌قامگێرییا وه‌لاتى یه.
ل گۆڕه‌یى حه‌كیمى، ئه‌ڤجاره هه‌لبژارتن دێ وه‌ك یێن سالا 2005ێ بن و بۆ ئیراقێ دێ هه‌لبژارتنه‌كا ئێكلاكه‌ر بیت.
سه‌رۆكێ ره‌وتێ ئاشكرادكه‌ت، زێده‌بارى ئالۆزى و گوهۆڕین ل ناوچه‌یێ هه‌نه، به‌لێ ل ئیراقێ سه‌قامگێرى تا راده‌یه‌كى هه‌یه و پێدڤییه هه‌موو ڤێ یه‌كێ ب پارێزن.
پێشتر د. له‌تیف ره‌شید، سه‌رۆككۆمارێ ئیراقێ پێشتر داخواز ژ موقته‌دا سه‌در كریه، پشكداریێ د هه‌لبژارتنان دا بكه‌ت، سه‌درى دیاركربوو ئه‌و پشكداریێ د هه‌لبژارتنه‌كێ دا ناكه‌ت دز بهێنه هه‌لبژارتن.
