گاڤ

رۆژنامه‌یا سۆزجۆ یا توركى راگه‌هاند، ئۆجالان دێ ژ ئیمرالى هێته‌ ده‌رخستن و دێ خانییه‌كێ سێ قاتى ب پرتووكخانه‌یه‌ك و ئه‌نته‌رنێت ڤه‌ بۆ هێته‌ دابیكرن.

پشتى ده‌ستپێكرنا پێنگاڤێن پێڤاژوویا ئاشتیێ و چوونا شاندێ ده‌به‌پێ بۆ ئیمرالى و دانوستاندنێن ناڤبه‌را حكومه‌تێ و كوردان دا ده‌نگۆیێ ئازادكرنا ئۆجا‌لانى ژى هاتییه‌ د رۆژه‌ڤێ دا.

رۆژنامه‌یا سۆزجۆ یا توركی د هه‌ژمارا خۆ یا ئه‌ڤرۆ دا ل به‌رپه‌رێ ئێكێ به‌لاڤكریه‌، كو ئۆجالانى پێشتر نه‌ڤیایه‌ ژبه‌ر هێرشان ژ ئیمرالى بهێته‌ ده‌رخستن و نوكه‌ ده‌ستهه‌لاتا توركیا دڤێت ل گراڤه‌كا توركیا خانییه‌كى سێ قات بۆ دروست بكه‌ن.

هه‌روه‌سا ئاشكراكریه‌، هه‌مى پێدڤیێن ژیانێ د ناڤا وى خانى دا هه‌نه‌  و پرتووكخانه‌یه‌ك و ئه‌نته‌رنێت ژى د ناڤا خانى دا هه‌نه‌.

ئێك ژ داخوازیێن پارتا كاركه‌رێن كوردستانێ په‌كه‌كێ بۆ ده‌ستپێكرنا پێڤاژوویا ئاشتیێ و دانانا چه‌كى و هه‌لوه‌شاندنا په‌كه‌كێ ئاماده‌بوونا ئۆجه‌لانى بوو، لێ توركیا تا نوكه‌ چ داخویانیێن فه‌رمى ل دۆر ئازادكرنا ئۆجالانى نه‌داینه‌.