زانیاریێن گاڤ: دڤان دو رۆژان دا داهاتێ نه‌نه‌فتى دێ بۆ به‌غدا هێته ره‌وانه‌كرن
بەلاڤ بکە
گاڤ – تایبه‌ت – غاندیێ كۆله‌وار
ل گۆڕه‌یى زانیاریێن گاڤ د ڤان دو رۆژان دا داهاتێ نه‌نه‌فتى یێ هه‌رێما كوردستانێ دێ بۆ به‌غدایێ هێته ره‌وانه‌كرن، وه‌ك به‌رهه‌ڤى بۆ پێداچوونا داهات و خه‌رجیێن هه‌رێمێ.
ژێده‌ره‌كى تایبه‌ت بۆ گاڤ راگه‌هاند، د ڤان دو رۆژان دا دێ داهاتێ نه‌نه‌فتى یێ هه‌رێما كوردستانێ بۆ سه‌ر هه‌ژمارا بانكى یا وه‌زاره‌تا دارایى یا ئیراقێ هێته ره‌وانه‌كرن و ئه‌ڤه ئێك ژ رێكارێن ته‌رازوویا پێداچوونا داهات و خه‌رجییانه كو پشكه‌كا مه‌زن ژێ ته‌مام بووینه و هنده‌ك هووركاریێن بچویك ماینه.
زانیاریێن گاڤ پشت راست دكه‌ن ئه‌گه‌ر ئه‌و داهات ته‌مام بوو كوژمێ وى پاره‌یى نێزیكى 50 ملیار دینارێن ئیراقى نه و دێ بۆ به‌غدا هێنه ره‌وانه‌كرن.
ل گۆڕه‌یى ژێده‌رى پشتى ته‌مامبوونا رێكاران، لیستا مووچه‌یێ مه‌ها چار دێ بۆ به‌غدایێ هێته ره‌وانه‌كرن و ئه‌گه‌ر چ كێشه دروست نه‌بن، دڤێت به‌غدا بزووترین ده‌م پێداچوونێ د لیستا مووچه‌یان دا بكه‌ت و بۆ سه‌ر هه‌ژمارا بانكى یا حكومه‌تا هه‌رێما كوردستانێ ب هنێریت.
