گاڤ

فدراسیۆنا ته‌پا پێى یا ئیراقێ، به‌یاننامه‌یه‌كا دژوار ده‌رباره‌ى رودانێن شڤێدى یێن یاریگه‌ها نه‌ورۆز به‌لاڤكر و راگه‌هاند، دێ ب دژوارى سه‌ره‌ده‌ریێ دگه‌ل ڤان جوره‌ رویدانان كه‌ن.

شڤێدى د یاریا یانه‌یێن زاخۆ و نه‌ورۆز دا ل یاریگه‌ها نه‌ورۆز ل باژێڕێ سلێمانیێ، ئالۆزى په‌یدابوون و د ئه‌نجام هژماره‌كا پشته‌ڤانێن یانه‌یا زاخۆ و هژماره‌كاپۆلیسان ب سڤكى برینداربوون و ژبه‌ر ئالۆزیان یارى هاته‌ راوه‌ستاندن.

فدراسیۆنا ته‌پا پێى یا ئیراقێ د به‌یاننامه‌یا خۆ دا دیار دكه‌ت، ئه‌و گه‌له‌ك دلگرانن ژ رویدانان. وان هیڤى دكر، ئه‌ڤ جۆش و گه‌رماتیا یاریگه‌هێ به‌رده‌وام بیت، ب تایبه‌تى ل یارێگه‌هێن هه‌رێما كوردستانێ د وه‌رزێ بۆرى و نها دا. ئه‌وا شڤێدى ل یاریگه‌ها نه‌ورۆز رویداى، بنپێكرنا وان په‌یامێن بلنده‌ كو بزاڤ دهێته‌ دناڤ لاكێشه‌یا كه‌سك دا كار پێ بهێته‌ كرن.

دیاركر ژى، ب مه‌ره‌ما رێگریكرنێ ل ڤان جوره‌ رویدانان، دێ ب دژوارى سه‌ره‌ده‌ریێ كه‌ن و ته‌ماشه‌ى راپۆرتێن سه‌رپه‌رشتێن یارێ كه‌ن.