سه‌رۆك نێچیرڤان بارزانى و مه‌زلووم عه‌بدى كۆمبوون
بەلاڤ بکە
گاڤ
سه‌رۆك نێچیرڤان بارزانى و مه‌زلووم عه‌بدى كۆمبوون، پێشهاتێن ره‌وشا سووریا و په‌یوه‌ندیێن هه‌سه‌دێ و ئالیین كوردى ل گه‌ل حكومه‌تا سووریا به‌حسكرن.
سه‌رۆكایه‌تییا هه‌رێما كوردستانێ راگه‌هاند، شڤێدى نێچیرڤان بارزانى، سه‌رۆكێ هه‌رێما كوردستانێ و مه‌زلووم عه‌بدى، فه‌رمانده‌یێ هێزێن سووریا دیمۆكرات كۆمبوون و پێشهاتێن ره‌وشا سوویا و په‌یوه‌ندیێن هه‌سه‌دێ و ئالیێن كوردى ل گه‌ل حكوه‌تا سووریا و مه‌ترسییا تیرۆرێ و به‌رهنگاربوونا گه‌فێن داعشێ به‌حسكرن.
د ته‌وه‌ره‌كێ دى دا وه‌ك سه‌رۆكایه‌تییا هه‌رێمێ دیاركرى، گرنگییا هه‌ڤپشكی و پشكدارییا كوردان و ته‌ماما پێكهاتێن سووریا د ده‌ستهه‌لاتێ دا و كارێ پێكڤه د ناڤا پێكهاتێن سووریا دا بۆ پاراستنا سه‌قامگێرى و به‌رهنگاربوونا مه‌ترسییان ته‌وه‌ره‌كێ دى یێكۆمبوونێ بوون.
هه‌روه‌سا ئاشكراكر، هه‌ر دو ئالییان ئێكرێزى و ته‌بایى د ناڤا هێز و ئالیێن كوردى دا ل سووریا ب گرنگ دیت و خویاكر، ره‌وشا كه‌مپا هۆلێ و رۆلێ هه‌ڤپه‌مانییا نێڤده‌وله‌تى ل سووریا هاتییه به‌حسكرن.
ناڤه‌ڕۆكا كۆمبوونا سه‌رۆك بارزانى و مه‌زلووم عه‌بدى
شڤێدى ل هه‌ولێرێ نێچیرڤان بارزانى، سه‌رۆكێ هه‌رێما كوردستاێ ل گه‌ل جه‌نه‌رال مه‌زلووم عه‌بدى، فه‌رمانده‌یێ هێزێن سووریا دیمۆكرات كۆمبوو.
د كۆمبوونێ دا دوماهى پێشهاتێن ره‌وشا سووریا و په‌یوه‌ندیێن هێزێن سورویا دیمۆكرات و ئالیێن سیاسى یێن كوردى ل سووریا ل گه‌ل حكومه‌تا سووریا به‌حسكرن و ده‌رباره‌یى مه‌ترسیێن تیرۆر و به‌رهنگاربوونا گه‌فێن داعشێ ژى دیتنێن خۆ ل ئێك گوهارتن.
هه‌ر دو ئالییان دوپاتى ل گرنگییا هه‌ڤپشكى و پشكدارییا كوردان و ته‌ماما پێكهاتەیێن سووریا د ده‌ستهه‌لاتێ و برێڤه‌برنا وه‌لاتى و مسۆگه‌ركرننا مافێن هه‌موویان كر، هه‌روه‌سا هه‌ڤڕابوون ل سه‌ر كارێ هه‌ڤپشك و پێكڤه د ناڤبه‌را پێكهاتەیێن سووریا دا بۆ پاراستنا ئارامى و سه‌قامگێری و به‌رهنگاربوونا مه‌ترسى و ئاسته‌نگان.
پێدڤییه ئێكرێزى و ته‌بایى د ناڤبه‌را هێز و ئالیێن كوردى دا ل سووریا وه‌ك گه‌ره‌نتییه‌ك بۆ ب ده‌ستڤه‌ئینانا وان داخوازى و مافێن ره‌وا ل وه‌لاتى بیت و ره‌وشا كه‌مپا هۆلێ و رۆلێ هه‌ڤپه‌یمانییا نێڤده‌وله‌تى ل سووریا بۆ به‌رهنگاربوونا داعشێ ته‌وه‌ره‌كێ دى یێ كۆمبوونێ بوو.
