گاڤ

بریارە سوبەهی پاپا فرانسیس، پاپایێ ڤاتیکانێ د رێورەسمەکێ ئاینی دا ل رۆمایا پایتەختێ ئیتالیا بهێتە ڤەشارتن و سەرۆک نێچیرڤان بارزانی ل گەل ژمارەکا سەرکردە و سەرۆکێن جیهانێ دێ پشکداری رێورەسمان بیت.

سەرۆکاتییا هەرێما کوردستانێ راگەهاند: ئەڤرۆ ئێڤاری سەرۆک نێچیرڤان بارزانی دێ ل سەر داخوازا فەرمی یا ڤاتیکانێ گەهیتە رۆما یا پایتەختێ ئیتالیا و سوبەهی رۆژا شەمبییێ دێ ب نوینەراتییا ئیراقێ پشکداری رێورەسمێن مالئاڤاهیکرنێ ل پاپایێ ڤاتیکانێ بیت، کو ژ سەرانسەری جیهان سەرکردەیێن وەلاتان دێ پشکداری وی رێورەسمی بن.

پاپا فرانسیس ل رۆژا 21/4/2025ێ ژ ئەگەرێ نەخۆشیێ وەغەرا دویماهیێ کر و سەرۆک نێچیرڤان بارزانی د بەیانەکا هەڤخەمیێ دا سەرەخۆشی ل هەمی کریستیانێن جیهانێ کر.