ئه‌ڤرۆ ب ئاماده‌بوونا سه‌رۆك نێچیرڤان بارزانى ته‌رمێ پاپایێ ڤاتیكانێ دێ هێته ڤه‌شارتن
بەلاڤ بکە
گاڤ
ئه‌ڤرۆ ب پشكدارییا سه‌رۆك نێچیرڤان بارزانى دێ ته‌رمێ پاپا فرانسیس پاپایێ ڤاتیكانێ هێته ڤه‌شارتن و 162 شاندێن جیهانى پشكدارى رێوره‌سمانه.
ئه‌ڤرۆ شه‌مبیێ 26ى نیسانێ 2025ێ ته‌رمێ پاپایێ ڤاتیكانێ دێ هێته ڤه‌شارتن، 200 هزار كه‌س و 162 شاندێن جیهانى ژ شاهـ، سه‌رۆك، سه‌رۆكوه‌زیرێن وه‌لاتان دێ پشكداربن، نێچیرڤان بارزانى، سه‌رۆكێ هه‌رێما كوردستانێ ب نوونه‌رایه‌تییا هه‌رێم و ئیراقێ پشكدارى رێوره‌سمێن ڤه‌شارتنێ یه.
میدیایا فه‌رمى یا ئیتالیا راگه‌هاند، ته‌رمێ پاپایى ب درێژاهییا 12 كیلۆمه‌تران دێ ل ناڤا رۆما هێته گێڕان و ل كه‌نیسه‌یا سانتا ماریا ل رۆما دێ هێته ڤه‌شارتن.
ئه‌ڤرۆ به‌هییا پاپایێ ڤاتیكانێ دێ هێته دانان و بۆ ده‌ما 9 رۆژان دێ به‌رده‌وام بیت، وه‌ك ئێكه‌م پاپا د دیرۆكێ دا سه‌را هه‌رێما كوردستانی دایى پاپا فرانسیس بوو.
پاپایێ ڤاتیكانێ ژ ئه‌گه‌را نه‌خۆشییا هه‌ودانا سیهان د ژیێ 88 سالیێ دا ل ئێك ژ نه‌خۆشخانه‌یێن ڤاتیكانێ ژیانا خۆ ژ ده‌ستدا و ل گۆڕه‌یى وه‌سیه‌تنامه‌یا پاپایى كو وى داخوازكریه ل ڤاتیكانێ نه‌هێته ڤه‌شارتن.
