گاڤ

دۆنالد  ترەمپی ژبەر ئالۆزییێن دناڤبەرا هەردو وەلاتێن هندستان و پاکستانێ دا هوشداری دان و گۆت: ب راوەستن من چ شەڕێن دی نەڤێن.

دۆنالد  ترەمپ، سەرۆکێ ئەمریکا، ئەڤرۆ، شەمبییێ، 2025-04-26، ژبەر شەڕ و ئالۆزییێن دناڤبەرا هەردو وەلاتێن هندستان و پاکستانێ دا ل دۆر هەرێما کشمیرێ، بۆ میدیایێن ئەمریکا گۆت: کێشەیا هەرێما کشمیرێ ئەڤە هزار سالە ل ناوچەیێ هەیی، پێدڤییە هەردو وەلات ب زویترین دەم چارەبکەن و خۆ ژ ئاگرێ شەڕی دویربکەن چونکی کەس ژمە شەڕ نەڤێت.

ئەوژی دیارکر؛ من پەیوەندییەکا باش ل گەل سەرۆکوەزیرێن هەردو وەلاتان هەیە، لێ ناخوازم دەستێوەردانەکا راستەخۆ بکەم. پێدڤییە ئەو ب خۆ ڤێ کێشەیێ چارەبکەن.

ل رۆژا سێشەمبییێ، 2025-04-22، هێرشەکا گرۆپەکێ چەکدارى بۆ سەر هەرێما کشمیرێ یا سەر ب هندستانێ ڤە هاتەکرن. د ئەنجام دا 26 كه‌س هاتنە کۆشتن.

هەڤدەم سه‌ربازێن هەردو وەلاتان ل سەر سنۆران هاتنە بەلاڤکرن و تەقەیەکا سڤک دناڤبەرا هەردو ئالییان دا هاته‌كرن.